Ný stjórn Evrópuhreyfingarinnar var kjörin á fjölmennum aðalfundi hreyfingarinnar sem fram fór í Fantasíusal Kjarvals sunnudaginn 7. júní.

Á fundinum var Magnús Árni Skjöld Magnússon endurkjörinn formaður hreyfingarinnar. Aðrir sem kjörnir voru í stjórn eru Dóra Magnúsdóttir, Elvar Örn Arason, Engilbert Imsland, Helga Vala Helgadóttir, Helgi Hrafn Gunnarsson, Páll Rafnar Þorsteinsson, Sigurður H. Einarsson, Steinar Harðarson, Thomas Möller og Þórhildur Sunna Ævarsdóttir.

Fram kemur að nýkjörin stjórn muni skipta með sér verkum á fyrsta stjórnarfundi sínum síðar í vikunni.

Evrópuhreyfingin leggur áherslu á að Ísland hefji aðildarviðræður við Evrópusambandið að nýju að lokinni fyrirhugaðri þjóðaratkvæðagreiðslu í ágúst. Samkvæmt yfirlýsingu hreyfingarinnar er meginmarkmið hennar á næstu vikum að vinna að því að þjóðin segi já í komandi atkvæðagreiðslu.