Lögreglan á höfuðborgarsvæðinu hafði í nógu að snúast í nótt og í gærkvöldi vegna fjölda mála sem tengdust umferðarlagabrotum, fíkniefnum og slysum. Alls voru átta ökumenn handteknir grunaðir um akstur undir áhrifum áfengis og/eða fíkniefna og tveir þeirra reyndust jafnframt sviptir ökuréttindum.
Í tilkynningu lögreglu kemur fram að fjórir ökumenn hafi verið handteknir vegna gruns um ölvunar- og/eða fíkniefnaakstur. Tveir þeirra voru einnig kærðir fyrir akstur sviptir ökuréttindum.
Þá var einstaklingur í miðborginni kærður fyrir brot á vopnalögum eftir að piparúði fannst í fórum hans. Annar aðili í sama hverfi var kærður fyrir vörslu fíkniefna.
Síðar voru tveir ökumenn til viðbótar handteknir vegna gruns um fíkniefnaakstur. Annar þeirra var sviptur ökurétti og hinn reyndist jafnframt hafa fíkniefni í fórum sínum.
Einnig var tilkynnt um fjórhjólaslys í Hafnarfirði þar sem einn einstaklingur slasaðist og var fluttur á slysadeild til aðhlynningar.
Að auki voru tveir ökumenn handteknir síðar um nóttina, annar vegna gruns um ölvunarakstur og hinn vegna gruns um fíkniefnaakstur.
