Guðmundur Árni Stefánsson, oddviti Samfylkingarinnar í Hafnarfirði, mun ekki taka sæti í nýrri bæjarstjórn Hafnarfjarðar þegar hún kemur saman til fyrsta fundar þann 1. júní næstkomandi.

Guðmundur Árni staðfesti þetta í samtali við mbl.is og mun þar með láta af störfum í bæjarpólitík í Hafnarfirði.

Í hans stað tekur Árni Rúnar Þorvaldsson sæti sem bæjarfulltrúi.

Þá hefur Guðmundur Árni jafnframt ákveðið að stíga til hliðar sem varaformaður Samfylkingarinnar við hentugt tækifæri. Hefur hann þegar upplýst Kristrúnu Frostadóttur, formann flokksins, um þessa ákvörðun.