Umferðarmyndavél í Arkansas-fylki í Bandaríkjunum náði óvenjulegu atviki þegar maður klæddur sem Köngulóarmaðurinn (Spider-Man) stökk út úr bifreið sinni til að aðstoða mann í hjólastól við að komast yfir fjölfarin gatnamót.
Myndbandið, sem lögreglan í Jonesboro birti á samfélagsmiðlum, sýnir mann í hjólastól eiga í erfiðleikum með að komast yfir götuna. Þá stígur „Köngulóarmaðurinn“ út úr bíl sínum, sem hafði stöðvað á rauðu ljósi, og hjálpar manninum að ljúka því að fara yfir götuna áður en umferðin fer af stað á ný.
Síðar kom í ljós að undir grímunni var Christopher Hellenthal, starfsmaður Ultimate Air Trampoline Park. Hann hafði verið klæddur sem Marvel-ofurhetjan í tilefni af sérstökum ofurhetjudegi á vinnustaðnum.
„Ég hugsaði bara: „Allt í lagi, ég er í Köngulóarmannsbúningnum – gerum þetta“,“ sagði Hellenthal í viðtali við WREG-sjónvarpsstöðina.
Hann sagðist hafa þurft að bregðast hratt við þar sem umferðarljósið var að skipta um lit þegar hann steig út úr bílnum.
Hellenthal vissi ekki að myndbandið af björguninni hefði vakið mikla athygli fyrr en móðir hans vakti hann af blundi og sagði honum að hann væri kominn á Facebook.
„Við horfðum á myndbandið aftur og aftur og lækin og athugasemdurnar héldu bara áfram að fjölga,“ sagði hann.
Hellenthal segist vona að atvikið verði öðrum hvatning til að rétta hjálparhönd þegar á þarf að halda.
„Ég bjóst ekki við að þetta færi svona á flug. Ég hélt bara að þetta væri skemmtilegt og rétt að gera. Ég vona að fólk stígi fram og geri hið rétta, hvort sem einhver horfir á það eða ekki,“ sagði hann.
