Siðanefnd Blaðamannafélags Íslands telur að RÚV og Sunna Karen Sigurþórsdóttir, fréttamaður RÚV, hafi brotið af sér í umfjöllun um Áshildi Lóu Þórsdóttur, fyrrverandi ráðherra, en RÚV greinir frá þessu.
Samkvæmt RÚV kærði Ásthildur fréttaflutning RÚV „sem sagði frá því 20. mars að hún hefði eignast barn með unglingspilti sem hún kynntist í trúarlegu starfi. Ásthildur Lóa sagði af sér ráðherradómi samdægurs, áður en fréttin birtist.“
RÚV var sýknað af fjórum af fimm liðum kæru Ásthildar en setti út á framsetningu RÚV í upphaflegri frétt í útvarpi og sjónvarpi þar sem vísað var til gildandi laga um sjálfræðisaldur en sjálfræðisaldur var ekki sá sami á 10. áratug síðustu aldar þegar málið átti sér stað. Ásthildur taldi þetta brjóta gegn annarri og sjöttu greina siðareglna Blaðamannafélagsins en siðanefnd taldi sjöttu reglu ekki hafa verið brotna. Hún taldi aðra grein siðareglna hins vegar hafa verið brotna.
Samkvæmt siðanefnd hafi einstaklingur sem sá fréttina í sjónvarpinu mögulega haldið að Ásthildur Lóa væri sek um kynferðisglæp en slíkt átti ekki við miðað við lög sem voru í gildi.
Brotið telst ámælisvert að mati siðanefndar.
2. grein siðareglna
Blaðamaður setur fram upplýsingar á heiðarlegan og sanngjarnan hátt samkvæmt bestu vitund hverju sinni, meðal annars með því að leita andstæðra sjónarmiða þegar við á. Blaðamaður hagræðir ekki staðreyndum og setur ekki fram órökstuddar ásakanir.
