Enska YouTube-stjarnan Morgan Sam Lee Burtwistle sakaði Sigurð Gísla Bond Snorrason um kynþáttafordóma á leik Englands og Gana í L-riðli heimsmeistaramótsins sem fram fór í Foxborough á þriðjudag.
Morgunblaðið greindi fyrst frá.
Sigurður hluti af hinu vinsælasta Dr. Football-hlaðvarpi sem fjallar um fótbolta.
Atvikið átti sér stað í stúku leikvangsins þar sem Sigurður var staddur í boði eistneska veðmálafyrirtækisins Coolbet ásamt hópi Íslendinga. Samkvæmt Burtwistle lét Sigurður falla ummæli um leikmenn Gana sem hann taldi kynþáttaníð og gerði öryggisgæslu vallarins viðvart. Sigurður fékk aðvörun en var ekki vísað af leikvanginum.
Í myndbandi sem Burtwistle birti á TikTok sést Sigurður biðjast afsökunar á ummælum sínum.
„Ég biðst afsökunar á ummælum mínum um leikmenn Gana. Þetta kemur ekki fyrir aftur, getum við ekki gleymt þessu?“ segir Sigurður í myndbandinu að sögn Morgunblaðsins.
Burtwistle segir að hann hafi viljað bregðast við þar sem skilaboðin eigi að vera þau að útrýma fordómum úr knattspyrnu. Hann kvaðst ekki ætla að endurtaka ummælin sem féllu en sagði þau til háborinnar skammar.
Sigurður hefur ekki svarað fyrirspurn Mannlífs um málið að svo stöddu.
