Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Innlent

Áttundi bekkur í ensku­tíma varð vitni að kyn­lífi starfs­manna

Sport

Hver er Theodór Elmar?

Pólitík

Hæddist að Snorra og Mið­flokknum í pontu

Innlent

Starfs­menn sagðir hafa stundað kyn­líf í skól­anum

Fólk

Stefán og Egill furða sig á kossa­hneyksl­inu í Haga­skóla

Innlent

Skóla­stjóri áréttar alvar­leika máls­ins eftir að myndir bár­ust

Innlent

Lög­reglan á Vest­ur­landi lýsir eftir 14 ára dreng

Heimur

Khloe Kar­dashian er demikyn­hneigð

Pólitík

Sagði frá kær­leik­anum sem hún finnur á Alþingi

Fólk

„Í dag eru tíu ár síðan ég varð fyrir nauðgun“

Stefán Einar kennir innflytjendum um en Frakkar segja annað

„Frakkar verða núna að bregð­ast af hörku við þessum veru­leika“

Stefán Einar Stefánsson
Stefán Einar Stef­áns­son Mynd: BHJ

Fjöl­miðla­mað­ur­inn Stefán Einar Stef­áns­son gagn­rýnir Emmanuel Macron Frakk­lands­for­seta harð­lega vegna óeirða sem geisað hafa í Frakk­landi und­an­farna daga og telur inn­flytj­enda­stefnu lands­ins eiga stóran þátt í þeirri stöðu sem upp er komin.

Stefán Einar fjallar um málið í færslu á Facebook og segir Macron hafa brugð­ist þeim vænt­ingum sem gerðar voru til hans þegar hann var fyrst kjör­inn for­seti árið 2017. Hann segir Frakk­land hafa verið leitt í öng­stræti vegna vondra ákvarð­ana, stefnu­leysis og linkindar gagn­vart vanda­málum sem hafi safn­ast upp.

„Hann hefur hins vegar stefnt hinu mikla menn­ing­ar­ríki í algjört öng­stræti með vondum ákvörð­unum, stefnu­leysi og lin­kind gagn­vart vanda­málum sem hlað­ist hafa upp fyrir allra augum,“ skrifar Stefán Einar.

Í færsl­unni rekur hann óeirð­irnar til inn­flytj­enda­stefnu Frakka og segir stjórn­völd hafa treyst um of á inn­gild­ingu og það sem hann lýsir sem mis­skil­inni góð­mennsku. Hann telur nauð­syn­legt að grípa til mun harð­ari aðgerða og gengur meðal ann­ars svo langt að leggja til brott­flutn­ing fólks úr landi, þar á meðal ann­arrar kyn­slóðar inn­flytj­enda sem taki þátt í óeirð­unum.

„Frakkar verða núna að bregð­ast af hörku við þessum veru­leika. Þessi vandi verður ekki leystur nema með því að flytja óynd­is­menn­ina úr landi og aftur til sinna upp­runa­ríkja, það á einnig við um ann­arrar kyn­slóðar inn­flytj­endur sem þarna eiga í hlut,“ skrifar hann.

Frönsk stjórnvöld benda á aðrar ástæður

Skýr­ingar Stefáns Einars á óeirð­unum eru þó ekki í sam­ræmi við þær meg­in­á­stæður sem frönsk stjórn­völd hafa sjálf nefnt opin­ber­lega.

Macron hefur sagt að stjórn­völd þurfi að hlusta á reiði og lög­mætar kröfur mót­mæl­enda, meðal ann­ars vegna fram­færslu­kostn­aðar og stöðu mennta­kerf­is­ins. Hann hefur jafn­framt for­dæmt ofbeldið harð­lega og kennt öfga­hópum lengst til vinstri og afbrota­mönnum um að hafa nýtt mót­mælin til að skapa óreiðu.

For­sæt­is­ráð­herr­ann Sébastien Lecornu hefur tekið í svip­aðan streng og lagt áherslu á að rétt­ur­inn til frið­sam­legra mót­mæla verði tryggður. Frönsk stjórn­völd hafa þannig gert grein­ar­mun á þeim fjöl­mörgu sem mót­mælt hafa frið­sam­lega og þeim hópum sem staðið hafa að ofbeldi, skemmd­ar­verkum og ránum.

Frönsk stjórn­völd hafa ekki lagt fram þá skýr­ingu að múslimar, fólk frá Mið-Aust­ur­löndum eða inn­flytj­endur almennt beri ábyrgð á óeirð­unum. Opin­berar skýr­ingar þeirra hafa fremur beinst að ofbeld­is­fullum öfga­hópum og afbrota­mönnum sem hafi blandað sér í mót­mælin.

Umfang óeirð­anna hefur engu að síður verið mikið. Meira en 2.500 manns hafa verið hand­teknir og nærri eitt þús­und lög­reglu­menn særst. Þá hafa frönsk stjórn­völd hert örygg­is­ráð­staf­anir og gripið til tíma­bund­inna útgöngu­banna á afmörk­uðum svæðum.

Stefán Einar telur að reynslan í Frakk­landi eigi jafn­framt erindi við önnur Evr­ópu­ríki, þar á meðal Ísland. Hann segir nauð­syn­legt að bregð­ast við af hörku og tryggja alls­herj­ar­reglu.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Innlent

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Fjársterkir tölvuþrjótar taldir hafa ráðist á 1984
Innlent

Dæmdur í níu ára fang­elsi fyrir kóka­ínsmygl með Norrænu

Heimur

Nýtt lyf í töflu­formi vekur vonir í bar­átt­unni við briskrabba­mein

Innlent

Talninga-Tómas verður Dómara-Tómas

Fólk

Sáttasex leysir ekki ágrein­ing­inn

Innlent

Innkalla leik­fang úr Tiger vegna köfn­un­ar­hættu

Gæti skap stórhættu fyrir börn

Bens­ín­verð hækkar hér á landi á meðan heims­mark­aðs­verð lækkar

Strauk henni um lærið þótt hún bæði hann að hætta

Styrkja Bjarka­hlíð um tæpar 40 millj­ónir

Hljóp á brott eftir inn­brot í bíl í aust­ur­bænum