Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Innlent

Áttundi bekkur í ensku­tíma varð vitni að kyn­lífi starfs­manna

Sport

Hver er Theodór Elmar?

Pólitík

Hæddist að Snorra og Mið­flokknum í pontu

Innlent

Starfs­menn sagðir hafa stundað kyn­líf í skól­anum

Fólk

Stefán og Egill furða sig á kossa­hneyksl­inu í Haga­skóla

Innlent

Skóla­stjóri áréttar alvar­leika máls­ins eftir að myndir bár­ust

Innlent

Lög­reglan á Vest­ur­landi lýsir eftir 14 ára dreng

Heimur

Khloe Kar­dashian er demikyn­hneigð

Pólitík

Sagði frá kær­leik­anum sem hún finnur á Alþingi

Fólk

„Í dag eru tíu ár síðan ég varð fyrir nauðgun“

Stórmoskan svarar fyrir heimsókn Usmani

„Moskan hefur hvorki dóms­vald né hlut­verk í beit­ingu refs­inga af neinu tagi“

Stórmoskan á Íslandi
Stór­moskan á Íslandi Mynd: Stórmoskan

Stór­moskan við Bústaða­veg seg­ist ekki hafa boðið pakist­anska trú­ar­leið­tog­anum Muhammad Taqi Usmani til Íslands og að ekk­ert sér­stakt mat hafi verið lagt á umdeildar skoð­anir hans áður en hann flutti trú­ar­legan fyr­ir­lestur í mosk­unni í síð­ustu viku.

Þetta kemur fram í svörum Karim Askari, fram­kvæmda­stjóri Stofn­unar múslima á Íslandi, við fyr­ir­spurn Mannlífs.

Morg­un­blaðið greindi frá því að Usmani hefði flutt trú­ar­legan fyr­ir­lestur á sam­komu Stór­mosk­unnar við Bústaða­veg á mið­viku­dag í síð­ustu viku. Í frétt mið­ils­ins var meðal ann­ars fjallað um skrif Usmani þar sem tekið er fram að hann hafi varið dauða­refs­ingu fyrir trú­hvarf frá íslam, auk þess sem fjallað var um afstöðu hans til refs­inga á borð við aflim­anir og grýt­ingu sam­kvæmt íslömskum rétti.

Aðspurður hver hefði boðið Usmani segir Karim að hvorki Stofnun múslima á Íslandi né Stór­moskan hafi form­lega boðið honum.

„Hann var í einka­ferð um Norð­ur­lönd og heim­sókn hans í mosk­una var skipu­lögð eftir að einn af aðstoð­ar­mönnum hans hafði sam­band við með­lim í sam­fé­lag­inu á Íslandi,“ segir Karim. Fyr­ir­lest­ur­inn hafi verið trú­ar­legs eðlis og ætl­aður safn­að­ar­með­limum.

Karim segir að moskan hafi ekki fram­kvæmt sér­stakt mat á fræði­legum, laga­legum eða póli­tískum skoð­unum Usmani áður en heim­sóknin fór fram.

„Heim­sóknin var skipu­lögð sem stutt trú­ar­leg heim­sókn og fyr­ir­lestur fyrir safn­að­ar­fólk.“

Ekkert sérstakt áhættumat

Usmani er fyrr­ver­andi dóm­ari við sjar­ía­á­frýj­un­ar­deild Hæsta­réttar Pakist­ans og áhrifa­mik­ill fræði­maður innan Deobandi hreyf­ingar súnní múslima sam­kvæmt umfjöllun Morg­un­blaðs­ins. Þá segir fjöl­mið­ill­inn frá því að hann hafi meðal ann­ars hafnað því í skrifum sínum að dauða­refs­ing fyrir trú­ar­frá­hvarf eigi aðeins við þegar trú­hvarfi fylgi upp­reisn eða hryðju­verk.

Mannlíf spurði hvort Stór­moskan tæki afdrátt­ar­laust afstöðu gegn dauða­refs­ingu vegna trú­hvarfs. Karim svar­aði að Stofnun múslima á Íslandi starf­aði sam­kvæmt íslenskum lögum og virti stjórn­ar­skrár­varin rétt­indi.

„Moskan hefur hvorki dóms­vald né hlut­verk í beit­ingu refs­inga af neinu tagi og styður að sjálf­sögðu að allir njóti þeirra rétt­inda sem íslensk lög tryggja,“ segir hann.

Usmani var ekki spurður um trú­hvarf, dauða­refs­ingar eða trú­frelsi meðan á heim­sókn hans stóð. Karim segir þau mál­efni ekki hafa komið til umræðu, hvorki á fund­inum né í fyr­ir­lestr­inum.

Ekkert form­legt áhættu­mat fór heldur fram vegna heim­sókn­ar­innar.

„Engin form­leg umræða eða sér­stakt áhættu­mat af því tagi fór fram þar sem heim­sóknin var ekki skipu­lögð sem opin­ber ráð­stefna eða vett­vangur fyrir póli­tíska umræðu, heldur sem trú­ar­leg heim­sókn gesta­fyr­ir­les­ara,“ segir Karim.

Skoðanir Usmani ekki afstaða moskunnar

Stór­moskan vill ekki leggja mat á hvort umfjöllun Morg­un­blaðs­ins gefi rétta mynd af skoð­unum Usmani. Karim segir slíkt mat þurfa að byggj­ast á frum­heim­ildum og skýr­ingum Usmani sjálfs. Moskan geti því hvorki stað­fest né hrakið ein­stakar túlk­anir í frétta­flutn­ingi.

Karim segir jafn­framt að Morg­un­blaðið hafi ekki haft sam­band við mosk­una áður en fréttin var birt.

Hann leggur áherslu á að skoð­anir Usmani verði ekki lagðar að jöfnu við afstöðu íslamska trú­fé­lags­ins.

„Það sem við getum hins vegar stað­fest er að umfjöll­unin fjallar um skoð­anir og skrif ein­stak­lings sem moskan bauð ekki til lands­ins og að þær skoð­anir eru ekki sjálf­krafa afstaða Stofn­unar múslima á Íslandi eða Stór­mosk­unnar.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Innlent

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Fjársterkir tölvuþrjótar taldir hafa ráðist á 1984
Innlent

Dæmdur í níu ára fang­elsi fyrir kóka­ínsmygl með Norrænu

Heimur

Nýtt lyf í töflu­formi vekur vonir í bar­átt­unni við briskrabba­mein

Innlent

Talninga-Tómas verður Dómara-Tómas

Fólk

Sáttasex leysir ekki ágrein­ing­inn

Innlent

Innkalla leik­fang úr Tiger vegna köfn­un­ar­hættu

Gæti skap stórhættu fyrir börn

Bens­ín­verð hækkar hér á landi á meðan heims­mark­aðs­verð lækkar

Strauk henni um lærið þótt hún bæði hann að hætta

Styrkja Bjarka­hlíð um tæpar 40 millj­ónir

Hljóp á brott eftir inn­brot í bíl í aust­ur­bænum