Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Heimur

Faðir skaut eig­in­konu sína og þrjú ung börn til bana

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Kærasti Heidi Gardner lát­inn, 43 ára að aldri

Innlent

Ók á 126 km hraða þar sem hámarkið er 80

Tíu grísir drápust í innbroti hjá Stjörnugrís

„Mótmæli eiga aldrei að bitna á dýr­unum sjálfum.“

Stjörnu­grís á Kjal­ar­nesi varð fyrir inn­broti aðfar­arnótt mánu­dags­ins 11. maí og rann­sakar lög­reglan á höf­uð­borg­ar­svæð­inu málið.

Við inn­brotið var svínum sleppt lausum og drápust tíu smá­grísir í kjöl­farið. Þá þurfti einnig að aflífa einn grís sem hafði kjálka­brotnað.

Talið er að verkn­að­ur­inn hafi verið fram­inn undir for­merkjum dýra­vel­ferðar.

Í til­kynn­ingu frá Stjörnu­grís, sem Vísir segir frá, kemur fram að brot­ist hafi verið inn í svínabú fyr­ir­tæk­is­ins þar sem tvær hurðir voru brotnar upp og umfangs­miklar skemmdir unnar bæði á skrif­stofu­að­stöðu starfs­fólks og inni í svína­hús­unum.

Þar segir að inn­rétt­ingar hafi verið rifnar upp, stíur opn­aðar og hurðir skildar eftir opnar þannig að dýrin gengu laus bæði inni í hús­unum og úti á túni.

Afleið­ing­arnar fyrir dýrin eru sagðar hafa verið mjög alvar­legar. Tíu smá­grísir drápust í ringul­reið­inni sem skap­að­ist og einn grís þurfti að aflífa vegna kjálka­brots. Þá hafi fjöl­margar gyltur hlotið áverka, meðal ann­ars orðið haltar og rispaðar, auk þess sem eitt fóst­ur­lát hafi þegar átt sér stað.

„Búast má við frek­ari afleið­ingum á næstu dögum og vikum, meðal ann­ars vegna streitu, mjólk­ur­missis hjá gyltum og mögu­legra fleiri fóst­ur­láta,“ segir í til­kynn­ing­unni.

Fyr­ir­tækið segir jafn­framt að smit­vörnum bús­ins hafi verið veru­lega raskað þar sem dýr úr mis­mun­andi hópum blönd­uð­ust saman og sum þeirra komust út úr hús­unum.

Málið hefur verið kært til Lög­reglan á höf­uð­borg­ar­svæð­inu og er nú til rann­sóknar. Þá hefur Mat­væla­stofnun og emb­ætti yfir­dýra­læknis verið gert við­vart um atvikið.

Samkvæmt til­kynn­ing­unni benda bæði umfang og fram­kvæmd verkn­að­ar­ins til þess að fleiri en einn hafi komið að inn­brot­inu. Þá þykja verksum­merki gefa til kynna að verkn­að­ur­inn hafi verið fram­inn í nafni dýra­vel­ferðar, þrátt fyrir að hann hafi valdið dýr­unum miklum þján­ingum og tjóni.

„Þegar starfs­fólk kom til vinnu um morg­un­inn blasti við skelfi­leg sjón. Dýrin voru aug­ljós­lega í miklu upp­námi og í óreið­unni höfðu þau slasað bæði sig sjálf og hvert annað. Sér­stak­lega þung­bært var að finna dauða grísi eftir nótt­ina,“ segir Geir Gunnar Geirsson, for­stjóri fyr­ir­tæk­is­ins.

Hann segir starfs­fólkið hafa orðið fyrir miklu áfalli við að sjá bæði vinnu­stað sinn og dýrin í þessu ástandi og hafi því verið sent heim.

„Þetta er ekki aðeins tölu­vert eigna­tjón heldur fyrst og fremst mjög alvar­legt mál fyrir dýrin sjálf. Að ráð­ast inn að næt­ur­lagi, þegar dýrin eru í hvíld, valda hávaða, óreiðu og reka þau um húsin hafði veru­leg áhrif á líðan þeirra og öryggi,“ segir hann.

Geir segir jafn­framt að fyr­ir­tækið hafi um nokk­urt skeið unnið að und­ir­bún­ingi fram­kvæmda sem eigi að bæta aðbúnað dýr­anna enn frekar, þó ákveðin mál hjá stjórn­völdum bíði enn úrlausnar.

Að lokum skorar hann á þá sem stóðu að verkn­að­inum að gefa sig fram.

„Það er eitt að mót­mæla eða hafa skoð­anir á búrekstri, en allt annað að valda dýrum þján­ingu, meiðslum og dauða, raska ró þeirra og eyði­leggja umhverfi þeirra í nafni mál­staðar síns. Ég tel að allir hljóti að for­dæma verknað af þessu tagi. Mótmæli eiga aldrei að bitna á dýr­unum sjálfum.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Heimur

Hin sænska Karin hvarf áður en hún átti að sækja börnin sín

Sendi dularfull smáskilaboð viku fyrir hvarfið
Heimur

Þrír féllu þegar dróni réðst á bíl við mat­ar­út­hlutun á Gaza

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Heimur

Lögregla fjar­lægði mót­mæl­anda eftir að hafa rugl­ast á áletrun á bol hans

Fólk

Af hverju getur lyktin af mak­anum verið svona ómót­stæði­leg?

Innlent

Lög­reglan kölluð til eftir að hitn­aði í kol­unum við tölvu­leikja­spil

Sjö gist fangageymslur lögreglunnar eftir nóttina.

Innkalla leik­fang úr Tiger vegna köfn­un­ar­hættu

Tölvu­þrjót­arnir sem réð­ust á 1984 skemmdu sjö vef­síður tengdar Palest­ínu

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Dæmdur í níu ára fang­elsi fyrir kóka­ínsmygl með Norrænu

Talninga-Tómas verður Dómara-Tómas