Nóttin var átakalítil hjá lögreglunni og smærri afbrot og umferðaróhöpp lituðu störf hennar. Aðeins einn gisti fangageymslur í nótt.
Kallað var eftir aðstoð lögreglu í Hörpu vegna einstaklinga sem voru óvelkomnir.
Umferðaróhapp varð í miðborginni þar sem tveir bílar skullu saman. Engin slys urðu á fólki en bifreiðar nokkuð laskaðar.
Tilkynnt var um þjófnað úr verslun. Tveir einstaklingar eru grunaðir í málinu. Þeir voru látnir lausir að lokinni skýrslutöku. Nokkru síðar var enn á ferð búðarþjófur sem staðinn var að verki.
Draga þurfti tvö ökutæki af vettvangi í austurborginni með dráttarbifreið. Ekki vitað hvort einhver var slasaður eftir óhappið.
Búðarþjófur var handtekinn við iðju sína. Hann reyndist vera óviðræðuhæfur vegna ölvunar og nauðsynlegt að vista hann í fangaklefa. Hann mun svara til saka með nýjum degi.
Tilkynnt var um slys þar sem einstaklingur hafði skollið í jörðina vegna hálku. Hann var fluttur á Bráðamóttöku til skoðunar.Annar vará ferð í annarlegu ástandi sem var svo alvarlegt að hann var fluttur á Bráðamóttöku til skoðunar.
Ökumaður bifreiðar sem lenti undir smásjá lögreglu er grunaður um akstur undir áhrifum fíkniefna. Þá reyndist hann hafa verið sviptur ökuréttindum vegna fyrri afskipta lögreglu brota.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir