Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Innlent

Áttundi bekkur í ensku­tíma varð vitni að kyn­lífi starfs­manna

Sport

Hver er Theodór Elmar?

Pólitík

Hæddist að Snorra og Mið­flokknum í pontu

Innlent

Starfs­menn sagðir hafa stundað kyn­líf í skól­anum

Fólk

Stefán og Egill furða sig á kossa­hneyksl­inu í Haga­skóla

Innlent

Skóla­stjóri áréttar alvar­leika máls­ins eftir að myndir bár­ust

Innlent

Lög­reglan á Vest­ur­landi lýsir eftir 14 ára dreng

Heimur

Khloe Kar­dashian er demikyn­hneigð

Pólitík

Sagði frá kær­leik­anum sem hún finnur á Alþingi

Fólk

„Í dag eru tíu ár síðan ég varð fyrir nauðgun“

Sögufrægur álfasteinn fjarlægður úr Ármúlanum

„Af hverju var þetta leyft?“

Regína Hrönn við álfasteininn
Regína Hrönn við álfa­stein­inn Nú blasir aðeins við grátt bíla­stæði Mynd: Regína Hrönn - Facebook-skjáskot

Álfa­steinn, sem staðið hefur á milli Síðumúla og Ármúla í Reykja­vík og teng­ist gam­alli þjóð­sögu um álfa­byggð og óút­skýrða atburði, hefur verið fjar­lægður. Regína Hrönn Ragn­ars­dóttir segir stein­inn hafa verið horf­inn þegar hún ætl­aði að heim­sækja hann og spyr hvers vegna það hafi verið leyft.

Regína Hrönn Ragn­ars­dóttir segir frá hvarfi Huldu­manns­steins­ins í Facebook-færslu. Hún hefur und­an­farin sex ár reynt að vekja athygli á stein­inum og stuðla að verndun hans, meðal ann­ars með því að skrifa um sögu hans og raða steinum í kringum hann til að merkja hann sem álfa­stein.

Þegar hún ætl­aði að heim­sækja stein­inn í gær blasti hins vegar við henni tómt bíla­stæði. Bæði steinn­inn og gróð­ur­inn í kringum hann voru horfin.

„Af hverju var þetta leyft?“ spyr Regína í færsl­unni.

Saga steinsins nær aftur til fjórða áratugar síðustu aldar

Regína rifjar upp frá­sögn sagn­fræð­ings­ins Árna Óla af Álfa­stein­inum í bók­inni Álög og bann­helgi, sem kom út árið 1957 og var prentuð árið 1968.

Samkvæmt frá­sögn Árna hóf Þorbjörn Jónsson að ryðja grjót af landi í Grensási árið 1934 eða 1935, þar sem hann hugð­ist stunda hænsna­rækt. Einn steinn á lóð­inni skar sig úr fyrir stærð sína og lögun. Hann var klof­inn þversum og undan honum rann lítil upp­sprettu­lind.

Þegar verka­menn höfðu borað holu í stein­inn og und­ir­búið að sprengja hann dreymdi Þorbjörn mann sem sagði honum að steinn­inn væri heim­ili sitt og var­aði hann við því að hrófla við honum.

Þorbjörn ákvað í kjöl­farið að láta stein­inn standa.

Árið 1940 seldi hann hænsna­búið. Nýir eig­endur hugð­ust síðar fjar­lægja stein­inn, en norski for­stöðu­maður bús­ins, Einar Tönsberg, hafði verið var­aður við því að eiga við hann.

Eggjaframleiðslan stöðvaðist þegar til stóð að sprengja steininn

Í bók Árna Óla segir að þegar und­ir­bún­ingur hófst að því að sprengja stein­inn vorið 1942 hafi eggja­fram­leiðsla hænsnanna á búinu dreg­ist skyndi­lega saman og stöðvast síðan alveg um tíma.

Samkvæmt frá­sögn­inni var fóðrið rann­sakað og dýra­læknir skoð­aði hæn­urnar, en ekk­ert fannst sem skýrði breyt­ing­una. Þegar ákveðið var að hætta við að sprengja stein­inn tók varpið aftur við sér.

Sagan varð til þess að steinn­inn var tengdur álaga­trú og álfa­byggð.

Steininn sprengdur í þrjá hluta

Í Facebook-færslu sinni segir Regína einnig frá því að síðar hafi Haukur og Ólafur, sem ráku Raf­tækja­vinnu­stofu Hauks og Ólafs við Ármúla 14, byggt á svæð­inu ásamt þriðja manni sem átti þann hluta lóð­ar­innar þar sem steinn­inn stóð.

Að sögn Regínu ákvað sá maður að sprengja stein­inn. Það tókst að skipta honum í þrjá hluta og var sá minnsti fjar­lægður. Eftir stóðu tveir hlutar steins­ins. Þegar reynt var að lyfta þeim með krana hafi kran­inn ítrekað næstum oltið og mað­ur­inn að lokum hætt við bygg­ing­ar­á­form sín á reitnum.

Regína segir að Haukur og Ólafur hafi síðar gætt þess að ekki yrði hróflað frekar við stein­inum þegar þeir komust að sögu hans. Þeir færðu stein­hlut­ana tvo eins þétt saman og hægt var.

Nú séu þeir hins vegar horfnir og í stað­inn sé komið grátt bíla­stæði.

Regína lýkur færslu sinni á að harma að steinn­inn, sem hún segir hafa haft merka sögu, hafi verið fjar­lægður og að gróð­ur­inn í kringum hann hafi einnig verið fjar­lægður.

„Svo kom bara ein­hver fyrir nokkrum dögum og tók álfa­steinn­inn og eftir stendur grátt og ljótt bílaplan þar sem áður var álfa­steinn með sögu!!“

Hægt er að lesa meira um steinn­inn á ferða­bloggi Regínu en þar má einnig sjá fleiri ljós­myndir af álfa­stein­inum.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Innlent

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Fjársterkir tölvuþrjótar taldir hafa ráðist á 1984
Innlent

Dæmdur í níu ára fang­elsi fyrir kóka­ínsmygl með Norrænu

Heimur

Nýtt lyf í töflu­formi vekur vonir í bar­átt­unni við briskrabba­mein

Innlent

Talninga-Tómas verður Dómara-Tómas

Fólk

Sáttasex leysir ekki ágrein­ing­inn

Innlent

Innkalla leik­fang úr Tiger vegna köfn­un­ar­hættu

Gæti skap stórhættu fyrir börn

Bens­ín­verð hækkar hér á landi á meðan heims­mark­aðs­verð lækkar

Strauk henni um lærið þótt hún bæði hann að hætta

Styrkja Bjarka­hlíð um tæpar 40 millj­ónir

Hljóp á brott eftir inn­brot í bíl í aust­ur­bænum