Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Heimur

Faðir skaut eig­in­konu sína og þrjú ung börn til bana

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Kærasti Heidi Gardner lát­inn, 43 ára að aldri

Innlent

Ók á 126 km hraða þar sem hámarkið er 80

Skýtur fast á Ríkisútvarpið: „Það er fréttaflutningur RÚV sem er að verða hættulegur lýðræðinu“

Roger Waters
Roger Waters

Á dög­unum var sagt frá því í fréttum að lög­reglu­yf­ir­völd í Berlín hefði hafið rann­sókn á Roger Waters úr Pink Floyd vegna þess að hann klædd­ist ein­hverss­konar nas­ista­bún­ingi á tón­leikum þar í borg. Rit­höf­und­ur­inn Helgi Ing­ólfs­son bendir á að Roger Waters hafi gert þetta í ára­tugi og að um sé að ræða ádeilu, sem sam­fé­lög á árum áður áttu auð­veld­ara með að lesa í en sam­fé­lög nútím­ans.

Í færslu á Facebook, sem vakti gríð­ar­lega athygli, fer Helgi yfir málið og segir að sam­fé­lags­legur veru­leiki hafi breyst frá því að Waters stóð á Pots­da­mer Platz í berlín árið 1990, í sama bún­ingi og á dög­unum með nokk­urn­veg­inn sömu tákn­mynda­um­gjörð, án þess að yfir­völd gerðu nokkuð. Segir Helgi að tvennt hafi breyst frá þeim tíma. Annars vegar vaxi bók­stafs­skiln­ingur sífellt og „síminnk­andi skiln­ingur almenn­ings á hvers kyns ádeilur, ádrepur, paródíur og satírur.“ Og ann­ars vegar það að stjórn­völd nýta sér nú þessa fáfræði almenn­ings til að auka völd sín og minnka rétt lista­manna til tján­ingar. Þá skýtur Helgi föstum skotum á Rík­is­út­varpið fyrir að birta gagn­rýn­islitla frétt af rann­sókn­inni á Roger Waters. Lætur hann hlekk á frétt Rúv um málið fylgja færsl­unni og segir að fyr­ir­sögnin ætti frekar að vera:  „RUV er gagn­rýn­is­lít­ill bók­stafs­trú­ar­fjöl­mið­ill sem fram­reiðir fréttir án skiln­ings á þjóð­fé­lags­á­deilu – jafnan að því marki að sé stjórn­völdum þókn­an­legt, sem og ríkj­andi rétt­trún­að­ar­hugsun.“

Færsluna má lesa hér í heild sinni:

„Sumarið 1990, um hálfu ári eftir fall Berlín­ar­múrs­ins, stóð Roger Waters úr Pink Floyd fyrir stór­tón­leikum með flutn­ingi á „The Wall“ á Pots­da­mer Platz í Berlín, en þarna hafði áður verið einskis­manns­land nærri hinum fallna Berlín­ar­múr. Um 350 þús­und manns eru taldir hafa hlýtt á tón­leik­ana og hund­ruð lista­manna komu fram. Öll tákn­mynda­um­gjörð tón­leik­anna var í meg­in­dráttum sú hin sama og í dag. Þá voru einnig í gildi sömu lög í (Vestur-) Þýska­landi og gilda enn, um að ekki mætti birta ytri tákná­sýnd nas­isma , en ekki sáu (vestur-) þýsk stjórn­völd ástæðu til að fjarg­viðr­ast yfir tón­leik­unum, enda skildu þau mæta­vel satíruna og paródískt og póli­tískt gildi verks­ins.

Hvað hefur breyst síðan þá? Ekkert hjá Roger Waters í sjálfu sér varð­andi verkið – sem er lik­lega sterkara en nokkru sinni fyrr í tákn­rænum skiln­ingi. En tvennt hefur breyst í sam­fé­lags­legum veru­leika. Annars vegar sívax­andi bók­stafs­skiln­ingur og síminnk­andi skiln­ingur almenn­ings á hvers kyns ádeilur, ádrepur, paródíur og satírur – með öðrum orðum miklu lélegra menn­ing­ar­læsi. Hitt er svo að stjórn­völd í ríkjum sæta lagi og nota umrædda fáfræði og skiln­ings­leysi til að þrengja að tján­ing­ar­frelsi, tak­marka mögu­leika lista­manna á að tjá sig, auka völd sín á kostnað þess­arar fáfræði o.s.frv. Og nú er Waters ekki lengur þókn­an­legur stjórn­völdum.Sjálfum leið­ist mér heldur tón­list Roger Waters og ég er engan veg­inn sam­mála öllum bar­áttu­málum hans. En hann er sýni­lega óhræddur við að storka almenn­ings­á­lit­inu og stjórn­völdum með list­sköpun sinni. Hann hefur barist gegn kúgun og múr­væð­ingu Ísra­els­manna gagn­vart Palest­ínu­aröbum og hann hefur barist ötul­lega gegn ólög­mætri fang­elsun Julians Assange – hann er hápóli­tískur, hávær og mjög sýni­legur, ólíkt hinum fyrri liðs­mönnum sínum í Pink Floyd. Vegna skoð­ana sinna hefur RW sýni­lega orðið óvin­sæll meðal fjöl­miðla­manna, og þá helst þeirra sem þríf­ast á sensa­sjónal-sjúrna­l­isma. Eins og Rowling, eins og Assange, er RW útskúf­aður af ein­hverri blaða­manna­hjörð sem eltir rétt­hugs­un­ar­öldur á sam­fé­lags­miðlum. RW er helst gagn­rýndur fyrir afstöðu sína til stríðs­ins í Úkraínu (þar sem ég er honum ósam­mála), en hann hefur þó vissu­lega kallað inn­rás Rússa „ólög­lega“ þótt hann hafi líka sagt að „ögrað hafi verið til hennar“.En fyr­ir­sögnin hér ætti ekki að snú­ast um Waters og rétt hans sem lista­manns til að tjá sig um þjóð­fé­lags­leg mál­efni. Fyr­ir­sögnin hér ætti að vera: „RUV er gagn­rýn­is­lít­ill bók­stafs­trú­ar­fjöl­mið­ill sem fram­reiðir fréttir án skiln­ings á þjóð­fé­lags­á­deilu – jafnan að því marki að sé stjórn­völdum þókn­an­legt, sem og ríkj­andi rétt­trún­að­ar­hugsun.“ Það er frétta­flutn­ingur RUV og áþekkra fjöl­miðla, sem er að verða hættu­legur lýð­ræð­inu, ekki prí­vat­skoð­anir eða tákna­notkun RW. Svipað og með Julian Assange á nú að fara að rann­saka Waters fyrir glæp­sam­legt athæfi og RUV leggst á árarnar. Svæsin notkun stjórn­valda á hættu­lega hrekklausum fjöl­miðlum, sem eru jafn­vel upp á þessi sömu stjórn­völd komnir, á sér sýni­lega lítil tak­mörk.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Heimur

Hin sænska Karin hvarf áður en hún átti að sækja börnin sín

Sendi dularfull smáskilaboð viku fyrir hvarfið
Heimur

Þrír féllu þegar dróni réðst á bíl við mat­ar­út­hlutun á Gaza

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Heimur

Lögregla fjar­lægði mót­mæl­anda eftir að hafa rugl­ast á áletrun á bol hans

Fólk

Af hverju getur lyktin af mak­anum verið svona ómót­stæði­leg?

Innlent

Lög­reglan kölluð til eftir að hitn­aði í kol­unum við tölvu­leikja­spil

Sjö gist fangageymslur lögreglunnar eftir nóttina.

Innkalla leik­fang úr Tiger vegna köfn­un­ar­hættu

Tölvu­þrjót­arnir sem réð­ust á 1984 skemmdu sjö vef­síður tengdar Palest­ínu

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Dæmdur í níu ára fang­elsi fyrir kóka­ínsmygl með Norrænu

Talninga-Tómas verður Dómara-Tómas