Lögreglan skoðar hvort lögreglumaður hafi brotið lög
Lögreglan á höfuðborgarsvæðinu hefur nú til skoðunar hvort vinnubrögð lögreglumannsins Gísla Jökuls Gíslasonar hafi verið í samræmi við lög og reglur.
Komið hefur fram á Mannlífi að Gísli villti á sér heimildir þegar hann rannsakaði hver stæði á bak við vefsíðu í nafni Samherja.
Í síðustu viku var greint frá því að vefsíða sem látin var líta út eins og hún væri tengd fyrirtækinu Samherja; fölsuð afsökunarbeiðni var send út; þar stóð stórum stöfum We’re Sorry, eða Við biðjumst velvirðingar. Var síðan hluti af lokaverkefni listamannsins Odee, Odds Eysteins Friðrikssonar.
Heimildin sagði frá því á föstudaginn að lögreglumaðurinn Gísli Jökull Gíslason hefði reynt að komast að því hver væri á bak við vefsíðuna með því að villa á sér heimildir; sagðist vera sjálfstætt starfandi blaðamaður.
Gísli sendi tölvupóstana úr vinnunetfangi sínu hjá lögreglunni á höfuðborgarsvæðinu; hann lýsti yfir aðdáun sinni á gjörningnum og bað um að fá að vita hver yrðu næstu skref.
Kemur fram í umfjöllun Heimildarinnar að Gísli sé sérfræðingur í netglæpum hjá lögreglunni.
Samkvæmt RÚV þá segir Gunnar Rúnar Sveinbjörnsson kynningarfulltrúi hjá lögreglunni að lögreglan sé að skoða málið; lögreglan hefur hins vegar ekki svarað því hvort þetta væru viðurkennd og eðlileg vinnubrögð hjá lögreglunni; né hvort kæra hefði borist frá Samherja á hendur listamanninum Oddi.
Í yfirlýsingu frá Gunnari við fyrirspurn fréttastofu RÚV segir að „embættið staðfestir að til athugunar sé hvort verklag við skoðun vefsvæðisins og samskipti hafi verið í samræmi við lög og reglur en að öðru leyti mun embættið ekki tjá sig um málefni einstakra starfsmanna.“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir