Glúmur Baldvinsson er ekkert sérstaklega hrifinn af þeirri hugmynd að íslenskt stjórnmálafólk þurfi að tala dönsku við Dani – og er það vel skiljanlegt. Hvers vegna ættum við Íslendingar að þurfa að tala önnur tungumál við útlendinga heima hjá þeim – og þá sérstaklega Dani sem fóru afar illa með okkur Íslendinga í langan tíma – en svo geta þeir ekki talað íslensku þegar þeir koma til Íslands?

Gefum Glúmi orðið:
„Nú hefur margur gleymt því að fyrir þúsund árum töluðu allir í hinum norræna heimi íslensku að Finnum undanskildum. Danir hafa sérstaklega gleymt því. Enda tala þeir nú bjagaða og brenglaða útgáfu af íslensku.“

Bætir við:
„Og svo gagnrýna menn Forsetann fyrir að tala ekki dönsku? Faðir minn hafði það fyrir reglu að tala einatt íslensku á norrænum leiðindasamkundum. Bara til að pirra þá.“

Segir að endingu:

„Páll nokkur Pétursson þingmaður Framsóknarflokksins gagnrýndi hann harðlega fyrir það. Eftir það kallaði JBH hann alltaf Palle Pedersen fra Hallested.
Guð varðveiti íslenska tungu og Framsóknarflokkinn.“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir