Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Heimur

Faðir skaut eig­in­konu sína og þrjú ung börn til bana

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Kærasti Heidi Gardner lát­inn, 43 ára að aldri

Innlent

Ók á 126 km hraða þar sem hámarkið er 80

„Afstaða Brynjars lýsir aldagömlum viðhorfum“

Anna Þóra Krist­ins­dóttir og Anna Bentína Herman­sen, ráð­gjafar hjá Stíga­mótum, eru sam­mála um að við­horf sams­konar þeim sem Brynjar Níelsson, þing­maður Sjálf­stæð­is­flokks­ins, hefur gagn­vart vændi séu á und­an­haldi.

Í síð­ustu viku voru Bjarkey Olsen Gunn­ars­dóttir, þing­maður VG, og Brynjar Níelsson, þing­maður Sjálf­stæð­is­flokks, gestir Kast­ljóss. Þar var rætt um hvort nafn­greina ætti brota­menn í dómum sem falla hér á landi vegna vændis­kaupa. Bjarkey telur að nafn­birt­ing gæti haft fæl­ing­ar­mátt á meðan Brynjar sér engan til­gang í að nafn­greina þá vændis­kaup­endur sem eru sak­felldir.

Skiptar skoð­anir eru um málið en við­horf Brynjars gagn­vart vænd­is­málum almennt hafa vakið athygli, meðal ann­ars skoðun hans um það sé val að stunda vændi og því ætti ekki að skil­greina vændi sem ofbeldi.

Í sam­tali við Mannlíf segja þær Anna Þóra Krist­ins­dóttir og Anna Bentína Herman­sen, ráð­gjafar hjá Stíga­mótum, Brynjar greini­lega hundsa sögur þeirra kvenna sem hafa stundað vændi og stigið fram og greint frá reynslu sinni.

„Brynjar vill að selj­andi vændis taki ábyrgð á sinni ákvörðun og líti ekki á sig sem brota­þola, heldur jafn­vígan þátt­tak­anda í við­skiptum á þjón­ustu. Hann hundsar algjör­lega þau ummæli sem koma frá konum í vændi,“ segir Anna Bentína.

Hann hundsar algjör­lega þau ummæli sem koma frá konum í vændi.

„Ástæðan fyrir því að vændi var gert refsi­vert eru auknar upp­lýs­ingar, rann­sóknir og vit­neskja um afleið­ingar vændis. Sú vit­neskja er ekki úr lausu lofti gripin og fylgir ekki ein­hverjum skoð­unum sem við kunnum að hafa á skil­grein­ingu á við­skiptum. Afleið­ingar af vændi eru það víð­tækar og viða­miklar að fjöl­mörg lönd sem við berum okkur saman við líta á vændi sem kyn­ferð­is­of­beldi þar sem ein­stak­lingur í yfir­burða­stöðu nýtir sér neyð ann­arrar mann­eskju.“

Anna Þóra og Anna Bentína eru sam­mála um að við­horf sams­konar þeim sem Brynjar hefur gagn­vart vændi séu á und­an­haldi.

„Samkvæmt íslenskum lögum eru vændis­kaup lög­brot. Afstaða Brynjars lýsir alda­gömlum við­horfum sem gerðu konur ábyrgar fyrir þeim brotum sem þær urðu fyrir. Brynjar segir að selj­andi vændis eigi að taka ábyrgð á þeirri ákvörðun sem hún tekur þegar hún selur sig. Þessi við­horf eru, að okkar mati, á pari við þá hug­mynda­fræði að konan geti sjálfri sér um kennt að verða fyrir nauðgun eða heim­il­is­of­beldi. Hún þarf að taka ábyrgð á þeirri ákvörðun að gift­ast ofbeld­is­manni eða að búa áfram með honum. Hún hefði líka mátt vita að klæðn­aður hennar sendi körlum ákveðin skila­boð og þess vegna var henni nauðgað. Sem betur fer eru slík við­horf á und­an­haldi, við erum upp­lýst­ari og vitum betur hvers eðlis kyn­ferð­is­brot eru. Gagnvart vændi er hins vegar uppi berg­mál þess­ara úreltu við­horfa sem Brynjar Níelsson heldur á lofti.“

Líkti því að stunda vændi við það að starfa á skyndibitastað

Í þætti Kast­ljóss sagði Brynjar það vera ákvörðun að vinna við vændi, alveg eins og það væri ákvörðun að vinna á McDonalds.

„Stígamót gerði úttekt á afleið­ingum vændis hjá 41 ein­stak­lingi sem leit­aði til okkar yfir ákveðið tíma­bil og hafði verið í vændi. Þar kom fram að 90% þess­ara ein­stak­linga upp­lifði skömm í kjöl­far vænd­is­ins og 66% þeirra höfðu gert til­raun til sjálfs­vígs í kjöl­far vænd­is­ins. Setjum þessar tölur í sam­hengi við „önnur störf“, eins og það að vinna hjá McDonalds, eins og Brynjar gerði. Hvað ef 90% þeirra sem ynnu hjá McDonalds upp­lifðu svo mikla skömm að þeir gætu ekki talað við nokkurn mann um starfið eða við hvað þeir störf­uðu? Hvað ef að 66% þeirra sem hafa starfað hjá McDonalds eða í annarri starfs­stétt hefðu gert til­raun til sjálfs­vígs?

Vafa­laust mundum við setja spurn­ing­ar­merki við starfs­um­hverfi McDonalds og gera nákvæma úttekt á hvers vegna starfs­fólki liði svona. Sam­bæri­legar úttektir á reynslu þeirra sem stunda vændi gerðu það að verkum að mörg sam­fé­lög hafa gert vændis­kaup refsi­verð.“

Til að grein­ast með áfallastreituröskun þarf maður að verða fyrir áfalli þar sem maður er hætt komin.

Anna Þóra og Anna Bentína benda einnig á að erlendar rann­sóknir hafi leitt í ljós að um 70% þeirra sem hafa stundað vændi hafa þróað með sér áfallastreituröskun. „Þessar tölur gefa til kynna að afleið­ingar vændis geta verið þær sömu og þegar við erum stödd í miðjum stríðs­á­tökum eða nátt­úru­ham­förum. Sem sýnir alvar­leika afleið­ing­anna. Til að grein­ast með áfallastreituröskun þarf maður að verða fyrir áfalli þar sem maður er hætt komin, til dæmis vegna alvar­legs slyss, nátt­úru­ham­fara eða kyn­ferð­is­of­beldis, sem vændi er.“ Þær benda einnig á að rann­sóknir hafa leitt í ljós að mik­ill meiri­hluti þeirra sem stunda vændi hafa orðið fyrir kyn­ferð­is­of­beldi sem börn eða ung­lingar.

„Svo má velta fyrir sér hvort skoð­anir Brynjars á vænd­is­málum megi heim­færa á önnur mál. Ef refs­ingar í vænd­is­málum duga ekki, eins og Brynjar segir, og gerir brota­flokk­inn aðeins harð­ari, eigum við þá að gera önnur brot refsi­laus? Auka þyngri refs­ingar sjálf­krafa á að brotin verði harð­ari og ofbeld­is­fyllri? Eigum við þá ekki að afnema refs­ingar alveg, eða á það bara við um vændi?“

Sjá einnig: „Fólk sem kaupir vændi er fólk sem beitir ofbeldi“

Sjá einnig: Vænd­is­málum á borði lög­reglu fækkar þrátt fyrir „spreng­ingu“

Sjá einnig: „Hvað fær menn til að kaupa vændi?“

Sjá einnig: „Ætlaði bara að prufa og bakka út þegar ég vildi“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Heimur

Hin sænska Karin hvarf áður en hún átti að sækja börnin sín

Sendi dularfull smáskilaboð viku fyrir hvarfið
Heimur

Þrír féllu þegar dróni réðst á bíl við mat­ar­út­hlutun á Gaza

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Heimur

Lögregla fjar­lægði mót­mæl­anda eftir að hafa rugl­ast á áletrun á bol hans

Fólk

Af hverju getur lyktin af mak­anum verið svona ómót­stæði­leg?

Innlent

Lög­reglan kölluð til eftir að hitn­aði í kol­unum við tölvu­leikja­spil

Sjö gist fangageymslur lögreglunnar eftir nóttina.

Innkalla leik­fang úr Tiger vegna köfn­un­ar­hættu

Tölvu­þrjót­arnir sem réð­ust á 1984 skemmdu sjö vef­síður tengdar Palest­ínu

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Dæmdur í níu ára fang­elsi fyrir kóka­ínsmygl með Norrænu

Talninga-Tómas verður Dómara-Tómas