56 einstaklingar létust eftir að óeirðir brutust út í knattspyrnuleik í Gíneu. Átti leikurinn sér stað í Nzerekore á sunnudaginn.
Samkvæmt áhorfendum brutust óeirðirnar út eftir að dómari leiksins sýndi leikmanni annars liðsins rautt spjald á 82. mínútu leiksins og hófu einhverjir áhorfendur að kasta steinum inn á völlinn í framhaldi þess. Greip lögregla staðarins til þess ráðs að svara með táragrasi til að ná stjórn á aðstæðunum en gasið varð til þess að áhorfendur streymdu út af vellinum. Í öllum æsingnum hafi fólk, þar á meðal börn, troðist undir þegar áhorfendur voru að reyna flýja og látið lífið vegna þess.
Í yfirlýsingu frá forsætisráðherra Gíuneu segir atvikið sé til rannsóknar hjá yfirvöldum en landið hefur verið undir stjórn hershöfðingjans Mamady Doumbouya eftir valdarán hans árið 2021.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir