Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Heimur

Faðir skaut eig­in­konu sína og þrjú ung börn til bana

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Kærasti Heidi Gardner lát­inn, 43 ára að aldri

Innlent

Ók á 126 km hraða þar sem hámarkið er 80

Æfir minna með betri árangri

Sigurjón Ernir Sturlu­son, íþrótta­fræð­ingur, þjálf­ari og mark­aðs- og kynn­ing­ar­full­trúi í Sport­vörum, er einn af okkar allra sterk­ustu hlaup­urum. Hann tekur þátt í heims­meist­ara­mót­inu í utan­vega­hlaupum sem fram fer í Portúgal þann 8. júní næst­kom­andi ásamt átta öðrum íslenskum ofur­h­laup­urum.

Sigurjón Ernir
Sigurjón Ernir

Heims­meist­ara­mótið þetta árið er 44 kíló­metra langt með 2.400 metra hækkun. „Það er því óhætt að segja að þetta sé hörku­á­skorun þó að þetta kall­ist stutt hlaup í ár. En þess má til gam­ans geta að heims­meist­ara­mótið í fyrra var 88 kíló­metrar með 5.000 metra hækkun,“ segir Sigurjón en ásamt honum eru í lið­inu þau Þor­bergur Ingi Jónsson, Örvar Stein­gríms­son, Ingvar Hjart­ar­son, Elísabet Mar­geirs­dóttir, Rannveig Odds­dóttir, Anna Berglind Pálma­dóttir, Þórdís Jóna Hrafn­kels­dóttir og Melkorka Árný Kvaran. Liðs­stjóri hóps­ins er ofur­hlaupar­inn Frið­leifur Frið­leifs­son.

Sigurjón hefur lengi haft áhuga á hreyf­ingu og matar­æði og finnst frá­bært að geta hjálpað öðrum á því sviði en hann er fjar­þjálf­ari, einka­þjálf­ari og Boot Camp-þjálf­ari. Hann er einnig öfl­ugur snapp­ari og sendir út beint frá nán­ast öllum sínum keppn­is­hlaupum í gegnum Snapchat undir not­anda­nafn­inu sig­ur­jon1352.

Sigurjón ásamt Katrínu Sigrúnu Tóm­as­dóttur en þau tóku bæði þátt í sól­ar­hringslangri Spartan-keppni í Hvera­gerði í des­em­ber 2018.

„Mitt mesta afrek til þessa er án efa sól­ar­hringslöng Spartan-keppni sem ég tók þátt í hér í Hvera­gerði í des­em­ber 2018, en þá hljóp ég 115 kíló­metra með 250 hindr­unum og 5.559 metra hækkun,“ segir Sigurjón en þess má geta að þarna var senni­lega um að ræða erf­ið­ustu keppni sem haldin hefur verið hér á landi. „Í keppn­inni var hlaup­inn rúm­lega 10 kíló­metra hringur með 25 hindr­unum og þú áttir að hlaupa eins marga hringi og þú treystir þér til á 24 klukku­stundum. Mín síð­asta stóra áskorun var 74 kíló­metra fjalla­hlaup á La Palma, Spáni, með 4.400 metra hækkun núna 11. maí.“

Sigurjón Ernir tók þátt í 74 kíló­metra fjalla­hlaupi á La Palma í byrjun maí.

Þrátt fyrir að keppa í löngum og krefj­andi hlaupum hleypur Sigurjón að með­al­tali ekki meira en 20-40 kíló­metra á viku. „Mín nálgun á hlaup og æfingar hefur alltaf verið sú að horfa á gæði fram yfir magn og með því að draga úr magni æfinga hefur mér tek­ist að halda mér frá álagstengdum meiðslum alveg frá því ég byrj­aði að hlaupa. Einnig þykir mörgum sem þekkja mig lítið eflaust ansi sturlað að ég sé græn­metisæta og fasta ávallt hluta úr degi en æfi samt þetta mikið og keppi mjög reglu­lega í krefj­andi keppnum.“

„Mín nálgun á hlaup og æfingar hefur alltaf verið sú að horfa á gæði fram yfir magn og með því að draga úr magni æfinga hefur mér tek­ist að halda mér frá álagstengdum meiðslum alveg frá því ég byrj­aði að hlaupa.“
Sigurjón er með góða æfinga­að­stöðu í bíl­skúrnum heima hjá sér.

Sigurjón í hnotskurn

Hvar líður þér best? „Mér hefur alltaf liðið vel í nátt­úr­unni og líður afar vel uppi á fjöllum og þá oftar en ekki í krefj­andi fjalla­hlaupi. Ég á þó til að halda ró minni milli keppna og líður þá vel í faðmi fjöl­skyldu.“

Bakstur eða elda­mennska? „Er ekki bara bæði betra? En ég verð að segja elda­mennska þar sem ég hef lít­inn tíma í bakstur þessa dag­ana. Þar sem við verðum öll að borða þá kemst ég ekki upp með að sleppa því alveg að elda.“

Helsti keppi­nautur á hlaupum? „Hér áður fyrr var það senni­lega Þórólfur Ingi en í dag fer hann létt með að sigra mig í götu­hlaup­unum og því eru það senni­lega Ingvar Hjart­ar­son, Örvar Stein­gríms­son og Guðni Páll Pálsson sem ég keppi mest við í fjall­inu.“

Hver var fyrsta vinnan þín? „Fyrsta laun­aða vinnan mín var ung­linga­vinna í mínu sveit­ar­fé­lagi þegar ég bjó í Hval­fjarð­ar­sveit­inni. En þar sem ég var alin upp í sveit var ég far­inn að sinna ýmsum störfum tengdum sveit­inni um leið og ég hafði þroska og getu til að sinna slíkum störfum.“

Hvað er það leið­in­leg­asta sem þú gerir? „Án efa að sitja fastur í mik­illi umferð til lengri tíma.“

Hvaða stað á Íslandi langar þig að heim­sækja? „Góð spurn­ing, ég hef nú ferð­ast tals­vert hér á landi og komið víða við. En ef ég ætti að velja mér stað til að koma aftur á væri það senni­lega Þórsmörk.“

Á hvaða þætti horfir þú? „Ég er nýbú­inn að klára Lucifer og hef nú ekki dottið inn í neina þætti eftir þá, ein­hverjar upp­á­stungur?“

Hvaða sögu­frægu mann­eskju myndir þú vilja hitta? „Ég væri til í að hitta David Goggins, en hann hefur tvisvar farið í gegnum Hell Weekend í Navy Seals-æfinga­búðum og er í dag mik­ill ultra-hlaup­ari. Án efa harð­asta mann­eskja sem þú finnur og ég mæli með að hlusta á „podcast“ með honum og Joe Rogan.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Heimur

Hin sænska Karin hvarf áður en hún átti að sækja börnin sín

Sendi dularfull smáskilaboð viku fyrir hvarfið
Heimur

Þrír féllu þegar dróni réðst á bíl við mat­ar­út­hlutun á Gaza

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Heimur

Lögregla fjar­lægði mót­mæl­anda eftir að hafa rugl­ast á áletrun á bol hans

Fólk

Af hverju getur lyktin af mak­anum verið svona ómót­stæði­leg?

Innlent

Lög­reglan kölluð til eftir að hitn­aði í kol­unum við tölvu­leikja­spil

Sjö gist fangageymslur lögreglunnar eftir nóttina.

Innkalla leik­fang úr Tiger vegna köfn­un­ar­hættu

Tölvu­þrjót­arnir sem réð­ust á 1984 skemmdu sjö vef­síður tengdar Palest­ínu

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Dæmdur í níu ára fang­elsi fyrir kóka­ínsmygl með Norrænu

Talninga-Tómas verður Dómara-Tómas