Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Innlent

Áttundi bekkur í ensku­tíma varð vitni að kyn­lífi starfs­manna

Pólitík

Hæddist að Snorra og Mið­flokknum í pontu

Innlent

Starfs­menn sagðir hafa stundað kyn­líf í skól­anum

Fólk

Stefán og Egill furða sig á kossa­hneyksl­inu í Haga­skóla

Innlent

Skóla­stjóri áréttar alvar­leika máls­ins eftir að myndir bár­ust

Innlent

Lög­reglan á Vest­ur­landi lýsir eftir 14 ára dreng

Heimur

Khloe Kar­dashian er demikyn­hneigð

Fólk

„Í dag eru tíu ár síðan ég varð fyrir nauðgun“

Fólk

Ald­ar­gam­alt hús sem hýsti hverf­is­verslun til sölu í Laug­ar­nesi

Pólitík

Sagði frá kær­leik­anum sem hún finnur á Alþingi

Alvarlegar ásakanir á hendur 15 ára syni raunveruleikastjörnu

Dreng­ur­inn er ákærður í tveimur aðskildum málum. Sak­sókn­arar vísa til fyrri ákæra og telja end­ur­hæf­ingu innan ung­linga­dóm­stóla­kerf­is­ins ekki nægja.

Mæðgin
Mæðgin KJ Biermann ásamt móður sinni, Kim Zolciak. Sak­sókn­arar vilja að nýjasta kyn­ferð­is­brota­málið gegn honum verði ekki flutt fyrir ung­linga­dóm­stól. Mynd: Instagram

Raun­veru­leika­stjarnan Kim Zolciak, sem varð þekkt fyrir þátt­töku sína í upp­runa­legu þátta­röð­inni The Real Housewives of Atlanta, stendur nú í sviðs­ljós­inu vegna alvar­legs máls sem varðar 15 ára son hennar og fyrr­ver­andi eig­in­manns­ins Kroy Biermann. Dreng­ur­inn hefur verið ákærður í tveimur aðskildum kyn­ferð­is­brota­málum og krefj­ast sak­sókn­arar þess nú að nýjasta málið verði ekki flutt fyrir ung­linga­dóm­stól. Þeir segja fyrri ásak­anir og meint end­ur­tekið brota­mynstur sýna að hefð­bundin end­ur­hæf­ing ung­linga­dóm­stóls­ins sé ekki nægj­an­leg.

Á meðan sak­sókn­arar í kyn­ferð­is­brota­mál­inu gegn hinum 15 ára syni Kim Zolciak og Kroy Biermann reyna að koma í veg fyrir að málið verði fært fyrir ung­linga­dóm­stól hafa þeir greint frá 16 fyrri brotum sem dreng­ur­inn er sak­aður um í öðru kyn­ferð­is­brota­máli. Þetta kemur fram í dóms­gögnum sem E! News hefur undir höndum.

Í grein­ar­gerð sem lögð var fyrir hæsta­rétt Fulton-sýslu 16. nóv­em­ber er brugð­ist við kröfu verj­anda drengs­ins um að málið verði flutt fyrir ung­linga­dóm­stól. KJ var ákærður 3. sept­em­ber fyrir sjö brot, þar á meðal gróft kyn­ferð­is­brot gegn barni, grófa kyn­ferð­is­lega mis­notkun, gróf enda­þarms­mök, kyn­ferð­is­brot gegn barni undir 16 ára aldri og ólög­mæta frels­is­svipt­ingu. Ákær­urnar tengj­ast meintri árás á 15 ára stúlku í apríl.

Sak­sókn­arar lýstu fyrra mál­inu sem „mjög alvar­legu“ og sögðu að nægar ástæður hefðu fund­ist til að ákæra fyrir sifja­spell. KJ hefur neitað sök í mál­inu frá 2026 og verj­andi hans, Jason Sheffi­eld, hefur hafnað ásök­un­unum.

Sak­sókn­arar benda á að fyrra málið, sem höfðað var árið 2025, sé nú til með­ferðar hjá ung­linga­dóm­stóli Fulton-sýslu. Þá var KJ ákærður fyrir sifja­spell, átta brot gegn börnum, kyn­ferð­is­lega mis­notkun, lög­bundið nauðg­un­ar­brot og fimm brot sem tengj­ast kyn­ferð­is­legri mis­notkun á börnum.

Ákær­urnar komu í kjöl­far þess að lög­reglan í Milton fann mynd­bönd og ljós­myndir í faldri möppu í síma drengs­ins í febr­úar 2025.

Í yfir­lýs­ingu til E! News í sept­em­ber hafn­aði Sheffi­eld ákær­unum fyrir hönd skjól­stæð­ings síns. Hann sagði sak­sókn­ara gefa „gróf­lega ranga mynd“ af máls­at­vikum.

„Málið spratt af óvið­eig­andi og grófri hegðun tveggja nem­enda á mið­stigi grunn­skóla,“ sagði í yfir­lýs­ing­unni. Þar var jafn­framt tekið fram að málið hefði ekki leitt til sak­fell­ingar fyrir lög­bundið nauðg­un­ar­brot, sam­ræði eða sam­bæri­legt brot. Að gefa annað í skyn væri óná­kvæmt og skap­aði vill­andi mynd af því hvernig mál­inu lauk fyrir ung­linga­dóm­stólnum.

Samkvæmt frétt E! News hefur mið­ill­inn leitað eftir athuga­semdum frá lög­mönnum KJ en ekki fengið svar. Samkvæmt dóms­gögnum verður end­an­leg afstaða hans til ákær­anna í mál­inu frá apríl 2026 lögð fram 10. febr­úar næst­kom­andi.

Segja hegðunina áhyggjuefni

Sak­sókn­arar taka fram að ástæða þess að fyrra málið var rekið fyrir ung­linga­dóm­stóli hafi verið að KJ fengi við­eig­andi með­ferð og end­ur­hæf­ingu til að koma í veg fyrir frek­ari brot eða árásir.

Þeir segja hins vegar að nýjasta málið hafi komið upp aðeins ári eftir hið fyrra. Þar er KJ sak­aður um að hafa beitt tán­ings­stúlku, sem aðeins er auð­kennd með upp­hafs­stöf­unum L.T. í dóms­gögnum, kyn­ferð­is­of­beldi í bún­ings­klefa lík­ams­rækt­ar­stöðv­ar­innar Lifetime Fitness.

„Þessi hegðun er orðin hluti af mjög var­huga­verðu mynstri, þar sem sak­born­ing­ur­inn þvingar fram kyn­ferð­is­lega und­ir­gefni með því að nýta sér per­sónu­legt sam­band,“ segir í grein­ar­gerð sak­sókn­ara. „Stuttur tími líður á milli atvikanna tveggja, sem er veru­lega athygl­is­vert.“

Að þeirra mati sýna ítrekuð brot KJ að end­ur­hæf­ing­ar­úr­ræði ung­linga­dóm­stóls Fulton-sýslu dugi honum ekki lengur.

Í grein­ar­gerð­inni segir jafn­framt að það sé sér­stak­lega áhyggju­efni að dreng­ur­inn hafi lokið öllum eða langstærstum hluta þeirrar með­ferðar sem honum hafði verið gert að sækja þegar seinna brotið átti sér stað.

Þar segir einnig: „Vernd sam­fé­lags­ins er í mestri hættu þegar um end­ur­tekin kyn­ferð­is­brot er að ræða, óháð aldri ákærða.“

Verjandinn segir hann saklausan

Afstaða sak­sókn­ara kemur tveimur mán­uðum eftir að Sheffi­eld óskaði eftir því að málið yrði flutt fyrir ung­linga­dóm­stól með vísan til ungs ald­urs skjól­stæð­ings síns.

Í grein­ar­gerð verj­and­ans, sem E! News birti í sept­em­ber, sagði að KJ væri „hund­rað pró­sent sak­laus“.

Þar var jafn­framt bent á að hann væri ung­lingur sem væri enn að þroskast og gæti sýnt fram á skiln­ing, vöxt og breyt­ingar. Ekki væri hægt að spá fyrir um fram­tíð hans út frá þeim ásök­unum sem á hann væru bornar.

Verj­and­inn telur að gögn sem lögð verði fram við með­ferð máls­ins muni sýna að KJ geti enn notið með­ferðar, eft­ir­lits, skipu­lags, mennt­unar og end­ur­hæf­ingar innan ung­linga­dóm­stóla­kerf­is­ins.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Peningar

Kaup­máttur jókst um 5,8 pró­sent frá upp­hafi kjara­samn­inga­lot­unnar

Atvinnuleysi fór á öðrum ársfjórðungi í fyrsta sinn frá 2010 yfir meðaltal OECD, þótt það sé enn tiltölulega lágt í alþjóðlegum samanburði.
Heimur

Dauði og eyði­legg­ing eykst á Gaza þrátt fyrir vopna­hlé

Pólitík

Segir Ísland úti­loka einmitt þá inn­flytj­endur sem landið þarf á að halda

Innlent

Strauk henni um lærið þótt hún bæði hann að hætta

Heimur

Heimur

Dán­ar­or­sök Sir Patricks Stewart stað­fest

Stórleikarinn hlaut vatnsbálför, samkvæmt dánarvottorðinu.
Heimur

Shenk varar við nýju tíma­bili óstöð­ug­leika í tækni­málum

Heimur

Pólland rann­sakar óþekktan hlut sem féll úr lofti

Heimur

Tvö alvar­leg umferð­ar­slys á sama veg­ar­kafla á Tenerife

Heimur

Setti bráð­skemmti­legt heims­met

Heimur

Pútín hótar „sárs­auka­fullum“ hefndum vegna árása á Krímbrúna