Einbýlishúsið við Laugarnesveg 50 í Reykjavík er til sölu fyrir 230 milljónir króna. Húsið var reist árið 1926 og er því hundrað ára á þessu ári. Þar var um árabil rekin hverfisverslun sem þjónaði íbúum Laugarness.
Íbúðarhúsið er á þremur hæðum og er skráð 192,3 fermetrar. Tvær íbúðir á lóðinni eru í útleigu. Önnur er 38,9 fermetra kjallaraíbúð með sérinngangi. Hin er í 46,2 fermetra bílskúr sem var reistur árið 1966 og hefur síðan verið innréttaður sem íbúð.
Húsið hefur verið mikið endurnýjað á undanförnum árum. Samkvæmt söluyfirliti var við endurbæturnar lögð áhersla á að hvert rými hefði sitt eigið yfirbragð. Húsið stendur á hornlóð með stórum, grónum og skjólgóðum bakgarði. Bílastæði eru í innkeyrslunni framan við bílskúrinn.





Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir