Reykjavíkurborg hefur auglýst tvær tillögur að breytingum á deiliskipulagi. Önnur gerir ráð fyrir að heimilt verði að bæta sjöttu hæðinni ofan á húsið við Sóltún 4. Hin snýr að fjölgun bílastæða og hleðsluaðstöðu fyrir hópbifreiðar við Klettagarða 27.
Samkvæmt tillögunni um breytingu á deiliskipulagi Ármannsreits yrði sjötta hæðin við Sóltún inndregin. Heimilt byggingarmagn á lóðinni myndi þó haldast óbreytt.
Á lóðinni við Klettagarða 27 er lagt til að bílastæðum verði fjölgað. Jafnframt verði heimilt að afmarka þar allt að 85 stæði þar sem hægt yrði að hlaða hópbifreiðar í tengslum við starfsemina á lóðinni.
Umhverfis- og skipulagsráð Reykjavíkur samþykkti 4. nóvember að auglýsa tillögurnar og borgarráð samþykkti það fyrir sitt leyti 12. nóvember.
Tillögurnar eru til kynningar frá 19. nóvember 2026 til og með 5. janúar 2027
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir