Saksóknarar í Anne Arundel-sýslu í Maryland hafa fallið frá ákærum á hendur Arthur Lundeen, farþega sem áhöfn og samferðafólk bundu við sæti með límbandi í flugi American Airlines 3. september. Ákæra á hendur honum fyrir alríkisdómstóli stendur enn.
Lundeen var ákærður í Maryland fyrir líkamsárás og óspektir. Saksóknarar féllu frá báðum ákæruliðunum 16. nóvember. Talsmaður saksóknaraembættisins sagði í samtali við TMZ að embættið teldi málið heyra undir alríkisyfirvöld þar sem atvikið hefði átt sér stað á flugi.
Lundeen er sagður hafa slegið og hrint öðrum farþegum, hrópað ókvæðisorð um samkynhneigða og beitt svartan flugþjón kynþáttaníði. Flugliðar og farþegar tóku þá höndum saman og festu hann við sætið með límbandi. Síðar sagðist hann ekkert muna eftir atvikinu.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir