Inga Sæland
„Hrein og klár mannvonska og borgarstjórn til ævarandi skammar“
Inga Sæland
Innlent

Gréta María fer í mál við Samkaup

Innlent

Barna­nauð­gari gjald­þrota

Innlent

Aðskota­efni í kexi

Peningar

Prett­yboitjokkó stofnar fyr­ir­tæki með fyrrum lands­liðs­manni

Heimur

Orðrómur um staf­rænan heimsendi 17. nóv­em­ber vekur ótta

Peningar

Elís seg­ist hafa tapað 100 millj­ónum í við­skiptum við fjár­festa

Pólitík

Segir flokks­menn Guðrúnar und­ir­búa mót­fram­boð gegn henni

Innlent

„Börn eiga ekki að þurfa að bera afleið­ing­arnar“

Innlent

Fékk aldr­aðan mann til að selja rað­hús skömmu fyrir and­lát

Innlent

Kven­fanga synjað um náðun þrátt fyrir alvar­leg veik­indi

Bíður sig óvænt fram fyrir Samfylkinguna: „Staðreyndin sú að Sjálfstæðisflokkurinn hefur þrengst“

Hannes S. Jónsson.
Hannes S. Jónsson. Mynd: Aðsend.

Hannes S. Jónsson, fram­kvæmda­stjóri Körfuknatt­leiks­sam­bands Íslands (KKÍ) býður sig fram í annað efstu sæta í Norð­vest­ur­kjör­dæmi fyrir Sam­fylk­ingu fyrir kom­andi kosn­ingar. Yfir­gefur hann þannig Sjálf­stæð­is­flokk­inn að fullu en hann bauð sig fram fyrir flokk­inn árið 2014.

Hannes skrif­aði færslu á Facebook þar sem hann til­kynnti ákvörðun sína að bjóða fram krafta sína fyrir Sam­fylk­ing­una í kom­andi alþing­is­kosn­ingum. Segist hann vita að sumum komi þetta á óvart þar sem hann hafði boðið fram krafta sína undir merkjum Sjálf­stæð­is­flokks­ins árið 2014 en seg­ist hafa í raun verið land­laus krati: „Það má kannski segja að ég hafi verið land­laus krati í flokki sem ég var á báðum áttum með hvort ég ætti heima í eða ekki.“ Segir hann nokkuð síðan hann yfir­gaf Sjálf­stæð­is­flokk­inn og segir ástæð­una vera þá að Sjálf­stæð­is­flokk­ur­inn hafi „þrengst á meðan Sam­fylk­ingin hefur breikkað og opnað faðm­inn.“

Hér má lesa til­kynn­ingu Hannesar í heild sinni:

„Kæru vinir nær og fjær!

Eftir all­margar áskor­anir und­an­farið ár hef ég tekið þá ákvörðun að bjóða fram krafta mína fyrir Sam­fylk­ing­una. Ég gef kost á mér á fram­boðs­lista flokks­ins í Norð­vest­ur­kjör­dæmi í kosn­ing­unum 30. nóv­em­ber næst­kom­andi og sæk­ist ég eftir því að vera í öðru af tveimur efstu sætum list­ans.

Ég veit að sumum kemur á óvart að ég sem einu sinni studdi Sjálf­stæð­is­flokk­inn og tók þátt í starfi hans styðji nú Sam­fylk­ing­una og bjóði fram krafta mína núna fyrir þann flokk. Það má kannski segja að ég hafi verið land­laus krati í flokki sem ég var á báðum áttum með hvort ég ætti heima í eða ekki. Núna er nokkuð síðan að ég sagði skilið við Sjálf­stæð­is­flokk­inn. Og stað­reyndin er ein­fald­lega sú að Sjálf­stæð­is­flokk­ur­inn hefur þrengst á meðan Sam­fylk­ingin hefur breikkað og opnað faðm­inn.

Með nýrri for­ystu Sam­fylk­ingar hefur flokk­ur­inn hrist upp í póli­tík­inni og fært jafn­að­ar­flokk­inn aftur nær fólk­inu í land­inu. Ég tel að við sem þjóð þurfum á traustri for­ystu að halda á þessum tímum sem við lifum. Sam­fylk­ingin býður upp á opin­ská stjórn­mál og nýtt upp­haf fyrir Ísland.

Ég hef mikla trú á sam­fé­lagi okkar og íslenskri þjóð en einnig er mikið sem þarf að laga og bæta. Ég tel að með reynslu minni úr körfu­bolt­anum og íþrótta­hreyf­ing­unni, þar sem mis­mun­andi skoð­anir eru leiddar til lykta með sam­tali, sam­vinnu og sam­starfi, þá geti ég komið með ferska vinda inn á Alþingi Íslend­inga. Stjórn­mála­fólk þarf að vinna saman og miðla málum til að taka ákvarð­anir og velja bestu leið­ina áfram fyrir land og þjóð.

Mín helstu áherslu­mál eru eft­ir­far­andi:

  • að vera full­trúi fólk­ins – ég lít á þing­mennsk­una sem þjón­ustu­hlut­verk við almenn­ing og alla íbúa Norð­vest­ur­kjör­dæmis,
  • íþróttir og æsku­lýðs­mál,
  • mál­efni unga fólk­ins okkar í dag á víðum grunni,
  • heil­brigð­is­mál – ekki síst jafnt aðgengi óháð búsetu,
  • sam­göngu­mál
  • og að vera traustur full­trúi Norð­vest­ur­kjör­dæmis, eiga virkt sam­tal við fólkið í kjör­dæm­inu og finna leið til að geta verið í sem mestum sam­skiptum við sem flesta á svæð­inu á hverju tíma.

Ég er stoltur af því að búa í landi þar sem við fáum að skipt­ast á skoð­unum og kjósa þann flokk og ein­stak­linga sem við teljum best til þess fallna á hverjum tíma að leiða þjóð­ina áfram.

Við Sam­fylk­ing­ar­fólk stefnum á að ná inn tveim þing­mönnum að lág­marki hér í Norð­vest­ur­kjör­dæmi og þurfum því á stuðn­ingi þínum að halda til að breyt­ingar verði á stjórn lands­ins.

Ég er afar þakk­látur fjöl­skyldu minni og nán­asta vina­hring fyrir ráð­gjöf, spjall og pæl­ingar und­an­farna mán­uði varð­andi þessi næstu skref hjá mér á póli­tíska svið­inu.

Ég er til þjón­ustu reið­bú­inn fyrir Ísland, fólkið í land­inu og hlakka til að vinna að hags­munum okkar íbúa Norð­vest­ur­kjör­dæmi.

Með kærri kveðju

Hannes S.Jónsson“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Fólk

„Mér líður gjör­sam­lega djöf­ul­lega“

Hildur Lilliendahl Viggósdóttir segir frá sorg og kvíða eftir að henni var sagt upp hjá Reykjavíkurborg eftir átján ára starf.
Heimur

Telja sig hafa náð for­sögu­legri flug­eðlu á mynd­band í Mexíkó

Innlent

Valur telur sigur Úkraínu sífellt lík­legri

Innlent

Sautján ára piltur sak­felldur fyrir kyn­ferð­is­brot gegn tólf ára stúlku

Heimur

Loch Ness-skrímslið sést oftar í ár en í fyrra

Innlent

Innlent

Katrín varar við alvar­legri ógn gervi­greindar

„En hvað með almenna borgara - finnst þeim skipta máli hver eða hvað er á bak við verkin?“
Innlent

Leik­fanga­byssu­menn­irnir verða ákærðir

Innlent

Álft skotin á Víði­staða­túni

Innlent

Ferðin til Írlands tók óvænta stefnu á Kefla­vík­ur­flug­velli

Innlent

Grind­verk í Garðabæ varð fyrir barð­inu á óboðnum gesti

Innlent

Átti að mæta á lög­reglu­stöð áður en dag­ur­inn var lið­inn