Gylfi Þór Sigurðsson knattspyrnumaður hefur enn ekki gert upp hug sinn varðandi það hvort hann taki fram skóna á nýjan leik eftir að hafa verið settur á ís í tvö ár af lögreglunni í Manchester. Gylfi Þór er laus allra mála og ljóst að mörg lið vilja njóta krafta hans á vellinum.
Framtíð Gylfa Þórs í tengslum við knattspyrnu var til umræðu í hlaðvarpsþættinum Dr. Football:

„Ég hef heyrt að Gylfi Þór Sigurðsson sé staddur á Spáni núna að æfa fótbolta,“ sagði stjórnandinn Hjörvar Hafliðason; sagðist Hjörvar hafa heyrt af því að Gylfi Þór sé að skoða að spila á Íslandi; að Lengjudeildin gæti verið raunhæfur kostur: „Ég hef heyrt að Gylfi sé jafnvel til í að koma sér í gang á Íslandi; sé nokk sama hvort það sé í A-deild eða B-deild; bara að það sé spilað á grasi.“

Hjörvar segir að hann hafi athyglisverðar fréttir, sem þó eru alls ekki staðfestar:
„Ég hef heyrt Grindavík í því samhengi. Hann vill koma sér í gang. Ég hef líka heyrt að hann sé með tilboð frá Katar. Ég vona að ég sjái hann spila fótbolta aftur.“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir