Verkföll munu að öllum líkindum hefjast í átta skólum á leik, grunn og framhaldsskólastigi og einum tónlistarskóla
Kennarasamband Íslands og Samband íslenskra sveitarfélaga hafa átt í samningaviðræðum í nokkurn tíma en eru að sögn semjenda ekki nærri samkomulagi. Kennarar hafa lýst því yfir að þeir vilji laun þeirra verði metin á sama hátt og laun sérfræðinga á almennum markaði, sem eru í kringum milljón á mánuði.
Boðað hefur verið til fundar í dag en ólíklegt þykir að deilan verði leyst á þeim fundi.
Þær aðgerðir sem fara fram í leikskólum eru ótímabundnar. Þeir leikskólar sem um ræðir eru Leikskóli Seltjarnarness, Holt í Reykjanesbæ, Drafnarsteinn í Reykjavík og Ársalir á Sauðárkróki.
Aðgerðirnar í grunnskólum eru tímabundnar til 22. nóvember og eiga þær við um Áslandsskóla í Hafnarfirði, Laugalækjarskóla í Reykjavík og Lundarskóla á Akureyri. Þá hefjast einnig verkföll í Fjölbrautaskóla Suðurlands og Tónlistarskóla Ísafjarðar en þau munu standa yfir til 20. desember að öllu óbreyttu.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir