Glúmur Baldvinsson
„Þetta verða löng málaferli“
Glúmur Baldvinsson
Fólk

Stór­söngv­ari selur í Laug­ar­dalnum

Fólk

Eitt eft­ir­minn­an­leg­asta hús lands­ins sett á sölu

Fólk

Heitustu jóla­gjaf­irnar 2026

Fólk

Katla stofnar fyr­ir­tæki með móður sinni

Innlent

Séra Hjördís stóð með for­eldrum Bryn­dísar Klöru á þeirra erf­ið­ustu stundum

Pólitík

Inga Sæland hjólar í borg­ar­stjórn

Innlent

Gunnar Smári segir frá sárs­auka­fullum dögum og svefn­lausum nóttum

Minning

Borgþór Vest­fjörð Kjærne­sted er fall­inn frá

Heimur

Gam­an­leik­ar­inn Anthony Clark lát­inn

Innlent

Eft­ir­litið fór fram þrátt fyrir meint veik­indi hús­ráð­anda

Ný rannsókn segir Kurt Cobain hafa verið myrtan

„Ef við höfum rangt fyrir okkur, sanni það bara. Það er allt sem við biðjum um.“

Nirvana
Nirvana Kurt með dóttur sinni Frances Bean. Mynd: Shutterstock

Dauði Kurt Cobain skók aðdá­endur og tón­list­ar­heim­inn allan, en ára­tugum síðar er and­látið aftur komið í sviðs­ljósið.

Söngvari Nirvana, Kurt Cobain, lést 5. apríl 1994, aðeins 27 ára að aldri, af skotsári frá hagla­byssu á heim­ili sínu í Seattle.

Á þeim tíma úrskurð­aði rétt­ar­meina­fræð­ingur King-sýslu að um sjálfs­víg væri að ræða, framið með Rem­ington Model 11, 20 kalí­bera hagla­byssu en frá upp­hafi hafa sam­sær­is­kenn­ingar verið um dauða grugg-rokkkon­ungs­ins.

Nú hefur óop­in­ber hópur rétt­ar­meina­fræð­inga úr einka­geir­anum tekið krufn­ing­ar­skýrslu Cobains og gögn af vett­vangi til end­ur­skoð­unar. Til liðs við hóp­inn kom Brian Burnett, sér­fræð­ingur sem áður hefur unnið að málum þar sem ofskömmtun fíkni­efna tengd­ist síðar skotsárum.

Sjálf­stæður rann­sak­andi, Michelle Wilkins, sem starf­aði með hópnum, sagði í sam­tali við Daily Mail að eftir aðeins þriggja daga yfir­ferð gagna með „nýjum augum“ hefði Burnett kom­ist að eft­ir­far­andi nið­ur­stöðu: „Þetta er morð. Við verðum að gera eitt­hvað í þessu.“

Hún sagði nið­ur­stöð­una byggja á ítar­legri grein­ingu á krufn­ing­ar­gögnum, sem sýndu merki sem væru ósam­rým­an­leg taf­ar­lausum dauða af völdum skotsárs.

Í rit­rýndri grein eru sett fram tíu atriði sem benda til þess að Cobain hafi mætt einum eða fleiri árás­ar­mönnum, sem fyrst neyddu hann til þess að taka of stóran skammt af heróíni, til að gera hann óvígan, áður en einn þeirra skaut hann í höf­uðið, lagði byss­una í fang hans og skildi eftir falsað sjálfs­vígs­bréf.

„Það eru hlutir í krufn­ing­unni sem láta mann staldra við og hugsa: bíddu, þessi ein­stak­lingur dó ekki hratt af völdum skotsárs,“ sagði Wilkins og benti á líf­færa­skemmdir tengdar súr­efn­is­skorti. „Drep í heila og lifur kemur fram við ofskömmtun. Það ger­ist ekki við dauða af völdum hagla­byssu.“

Burnett hefur ára­tuga reynslu af grein­ingu vett­vanga og túlkun flók­inna sönn­un­ar­gagna og hefur hlotið við­ur­kenn­ingu á lands­vísu fyrir störf sín í umdeildum málum, meðal ann­ars dauða James Sabow, ofursta í banda­ríska sjó­hernum, og rann­sókn á máli Billey Joe Johnson Jr., þar sem nákvæmar end­ur­gerðir hans ögr­uðu opin­berum nið­ur­stöðum.

Standa við fyrri niðurstöðu

Tals­maður skrif­stofu rétt­ar­læknis hjá King County sagði við Daily Mail: „Skrif­stofa rétt­ar­meina­fræð­ings King-sýslu starf­aði með lög­reglu, fram­kvæmdi fulla krufn­ingu og fylgdi öllum verk­lags­reglum við að kom­ast að þeirri nið­ur­stöðu að dauðs­fallið væri sjálfs­víg.“

„Skrif­stofan er ávallt opin fyrir því að end­ur­skoða nið­ur­stöður ef ný gögn koma fram, en hingað til höfum við ekki séð neitt sem rétt­lætir end­ur­opnun máls­ins eða breyt­ingu á fyrri nið­ur­stöðu.“

Tals­maður Seattle Police Depart­ment sagði að málið yrði ekki opnað á ný. „Rann­sókn­ar­lög­reglu­maður okkar komst að þeirri nið­ur­stöðu að hann hafi svipt sig lífi, og það er enn afstaða deild­ar­innar,“ bætti hann við.

Daily Mail fór yfir krufn­ing­ar­skýrslu Cobains, þar sem lýst er að lík hans hafi fund­ist á gólfi gróð­ur­húss fyrir ofan bíl­skúr heim­il­is­ins.

„Skoðun á ýmsum papp­írum í vinstri fram­vasa galla­buxna hans leiddi í ljós texta skrif­aðan með svörtu bleki, þar sem stóð: ‘Rem­ington 20 gauge 2-3/4 shells or shorter setup light shot 10888925’,“ segir í krufn­ing­ar­skýrslu dag­settri 20. júní 1994.

Wilkins sagði: „Mér sýn­ist þetta eins og ein­hver hafi svið­sett kvik­mynda­at­riði og viljað ganga úr skugga um að allir væru full­kom­lega sann­færðir um að um sjálfs­víg væri að ræða.

Kvitt­unin fyrir byss­unni er í vas­anum hans. Kvitt­unin fyrir skot­unum er í vas­anum hans. Skotin eru raðað við fætur hans.“

Í nýju rétt­ar­meina­fræði­skýrsl­unni kemur einnig fram að ermar Cobains hafi verið brettar upp og að heróín­sett hafi fund­ist nokkrum metrum frá lík­inu, með nálum með lokum, bómull­arpúðum og stykkjum af svörtu heróíni af svip­aðri stærð.

„Okkur er ætlað að trúa því að hann hafi sett lok á nál­arnar og raðað öllu snyrti­lega eftir að hafa sprautað sig þrisvar sinnum, því það sé eitt­hvað sem fólk geri á meðan það er að deyja,“ sagði Wilkins. „Sjálfs­víg eru yfir­leitt ringul­reið, en þetta var óvenju hreinn vett­vangur.“

Lögregla sagði að Cobain hefði sprautað sig með tíföldum skammti miðað við það sem jafn­vel langt leiddur heróín­n­eyt­andi myndi nota.

Krufning sýndi vökva í lungum, blæð­ingar í augum og skemmdir á heila og lifur. Samkvæmt skýrsl­unni eru slík ein­kenni óvenju­leg við skjótan dauða af skotsári, en algeng við dauðs­föll af völdum heróín-ofskömmt­unar, sem veldur hæg­ari öndun og minnk­uðu blóð­flæði.

Blæð­ingar í augum og líf­færa­skemmdir bentu til þess að lík­ami hans hefði orðið fyrir súr­efn­is­skorti, sem lík­lega staf­aði ekki ein­vörð­ungu af skotsár­inu.

Í flestum dauðs­föllum af völdum skotsárs í höfuð sog­ast blóð inn í loft­vegi, en þess var ekki getið í krufn­ingu Cobains.

Þótt heilaskaði geti stundum stöðvað öndun ger­ist það yfir­leitt fljót­lega eftir áverk­ann, og við svo alvar­legan skaða hefði mátt búast við ein­hverju blóði í loft­vegum. Krufn­ingin benti til þess að heila­stofn­inn, sem stýrir öndun, hafi lík­lega ekki skemmst, og staða hand­leggja hans sam­ræmd­ist ekki þeirri stífleika­stöðu sem oft sést við skaða á heila­stofni.

Greinin fór í gegnum rit­rýni hjá International Journal of Forensic Science áður en hún var sam­þykkt til birt­ingar.

Wilkins hélt því fram að Cobain hafi mögu­lega verið lík­am­lega óvígur áður en skotið var hleypt af.

„Hann er að deyja úr ofskömmtun, getur varla andað og blóðið flæðir lítið,“ sagði hún. „Það þýðir að heil­inn og lifrin fá ekki súr­efni, þau svelta og deyja.“

Hún bætti við að stærð og virkni byssunnar gerði það ólík­legt að með­vit­und­ar­laus Cobain hefði getað hand­leikið hana.

„Ef þú horfir á vett­vangs­mynd­irnar sérðu hversu stór byssan er,“ sagði hún. „Ímyndaðu þér að hann sé í dái, að deyja, og þurfi jafn­framt að halda henni á ákveð­inn hátt… hún vegur um þrjú kíló.“

Staða handa Cobains og skortur á blóð­slettu vöktu einnig spurn­ingar. Vinstri hönd hans var þétt um hlaup byssunnar, en skot­hylkið fannst ofan á hrúgu af fötum hinum megin við þá átt sem búast mætti við að það hefði kast­ast.

„Hann er að deyja úr ofskömmtun, í dái, og á samt að hafa haldið byss­unni upp til að ná gikknum og koma henni í munn­inn. Þetta er galið,“ sagði Wilkins.

Hópurinn end­ur­gerði vopnið og komst að því að „ef höndin er á fremra hlaup­inu, þar sem hönd Kurts var sögð vera sam­kvæmt skýrslu lög­regl­unnar í Seattle, þá myndi byssan alls ekki kasta út skot­hylki,“ sagði Wilkins. „Þannig að ekki aðeins er hylkið þar sem það ætti ekki að vera – það ætti í raun ekki að vera neitt hylki.“

Hún benti einnig á að vinstri hönd Cobains væri óvenju hrein. „Ef þú skoðar myndir af sjálfs­vígum með hagla­byssu eru þær grimmi­legar. Það er eng­inn heimur þar sem sú hönd væri ekki alblóðug… höndin hans er ótrú­lega hrein.“

Samkvæmt skýrsl­unni skýrir morð­til­gátan að vinstri hönd Cobains hafi verið sett á vopnið eftir dauð­ann, sem gæti útskýrt fingrafarslíkt merki sem sást á hend­inni.

Í rétt­ar­meina­fræði geta slík merki hjálpað til við að end­ur­gera atburða­rás með því að sýna hvað ein­stak­lingur snerti eða hvernig efni flutt­ist.

Wilkins vís­aði einnig til blóð­mynstra sem benti til þess að líkið hefði verið hreyft.

„Það er líka blóð neðst á bolnum hans,“ sagði hún. „Eina leiðin til að blóðið kom­ist þar er ef Kurt var lyft og höf­uðið vís­aði niður.

Það er ekk­ert blóð á hend­inni. Það er ekk­ert blóð ann­ars staðar á bolnum, en stór blóð­blettur neðst.“

Hið meinta sjálfs­vígs­bréf var einnig skoðað nánar. „Efri hluti bréfs­ins er skrif­aður af Kurt,“ sagði Wilkins. „Það er ekk­ert þar um sjálfs­víg. Þetta er í raun bara hann að tala um að hætta í hljóm­sveit­inni.“

Hún bætti við: „Síðan eru fjórar línur neðst. Ef þú skoðar bréfið sérðu að þessar síð­ustu fjórar línur eru skrif­aðar á annan hátt… text­inn er aðeins öðru­vísi, stærri og virð­ist meira krot­aður.“

Wilkins lagði áherslu á að hóp­ur­inn væri ekki að krefj­ast þess að ein­hver verði hand­tek­inn, heldur gagn­sæis og end­ur­skoð­unar gagna.

„Við vorum ekki að segja: hand­takið fólk á morgun,“ sagði hún. „Við vorum að segja: þið hafið þessi auka gögn sem við höfum ekki.“

Hún nefndi einnig að hún hefði rætt við fjöl­skyldur fólks sem svipti sig lífi í kjöl­far dauða Cobains.

„Árið 2022 svipti ungur ein­stak­lingur sig lífi vegna þess að hann trúði því að Cobain hefði gert það. Eft­ir­hermu­sjálfs­víg hafa aldrei hætt.“

Beiðnum um end­ur­opnun máls­ins hefur verið hafnað

„Þeir svör­uðu báðir ein­fald­lega: ‘Nei’,“ sagði Wilkins. „Eins og þeir ætli ekki einu sinni að skoða gögnin okkar.“

Markmið hennar er þó ein­falt: „Ef við höfum rangt fyrir okkur, sanni það bara. Það er allt sem við biðjum um.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

1
Minning

Lárus Heið­ars­son lát­inn

Lárus Heið­ars­son, skóg­ar­bóndi og fyrr­ver­andi odd­viti Fljóts­dals­hrepps, var bor­inn til grafar á föstu­dag. Hann lést 28. októ­ber síð­ast­lið­inn eftir skamma en erf­iða bar­áttu við bráða­hvít­blæði. Aust­ur­frétt greindi frá and­lát­inu. Lárus gegndi fjöl­mörgum trún­að­ar­störfum fyrir Fljóts­dals­hrepp og sat í sveit­ar­stjórn frá árinu 2010, fyrst sem vara­odd­viti og síðar odd­viti. Hann kom einnig að mótun Svæð­is­skipu­lags Aust­ur­lands og var í stjórn Sambands...

Mest lesið í vikunni

Heimur

Stefan Holm ákærður fyrir lík­ams­árás eftir árás á Emil Persson

Heimur

Móðir RJ Mitte minn­ist hans mán­uði eftir and­látið

Heimur

„Ég var ekki full­klæddur og fólk úti gat horft beint inn um svefn­her­berg­is­glugg­ann minn!“

Heimur

Rabbíni ferð­ast um Vest­ur­bakk­ann til að kynna sér ofbeldið

Heimur

Heimur

Dán­ar­or­sök leik­ar­ans Anthony Clark komin fram

Mike O'Malley ræddi við Anthony Clark aðeins þremur vikum fyrir andlát hans og minnist hans sem einstaklega fyndins manns.
Heimur

Kynlíf enn eitt öfl­ug­asta vopn leyni­þjón­usta

Heimur

Einka­dóttir leikkon­unnar Lisu Maxwell látin, 27 ára að aldri

Heimur

Lindberg kallar eftir því að stríð­inu í Súdan verði hætt

Heimur

Kona fannst látin í bíl á Fuer­teventura

Heimur

Tveir heið­ursverðir hnigu niður við hlið Macrons í opin­berri mót­töku