Íbúi á Seltjarnarnesi hafði samband við lögreglu í gærkvöld eftir að hann kom auga á einhverskonar hlut í sjónum. Þegar lögregla kom á vettvang kom í ljós að furðuhluturinn var aðili að leika sér á brimbretti í sjónum. Síðar um kvöldið barst lögreglu tilkynning um aðila sem var að klifra upp á svalir í íbúðarhúsnæði í hverfi 104. Þegar lögregla kom á vettvang var maðurinn kominn inn á heimili fólksins og var hann velkominn þangað að sögn íbúa. Aðilinn var búsettur í íbúðinni og hafði gleymt lyklum.
Fyrr um kvöldið var lögregla kölluð út í hverfi 101 vegna grunsamlegra mannaferða og í hverfi 108 vegna þjófnaðar úr verslun. Samkvæmt dabók lögreglu var töluvert um ölvun í miðborginni í nótt og þurfti lögregla að hafa afskipti af nokkrum í annarlegu ástandi. Þá voru nokkrir ökumenn stöðvaðir sem grunaðir eru um akstur undir áhrifum vímuefna.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.































Athugasemdir