Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Heimur

Faðir skaut eig­in­konu sína og þrjú ung börn til bana

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Kærasti Heidi Gardner lát­inn, 43 ára að aldri

Innlent

Ók á 126 km hraða þar sem hámarkið er 80

Draga á úr dvöl flóttafólks í Reykjanesbæ – Aðgerðaráætlun Vinnumálastofnunar og bæjaryfirvalda

Aðgerða­á­ætlun vegna dvalar umsækj­enda um alþjóð­lega vernd í Reykja­nesbæ á vegum Vinnu­mála­stofn­unar

Vinnu­mála­stofnun og Reykja­nes­bær hafa unnið aðgerða­á­ætlun vegna dvalar umsækj­enda um alþjóð­lega vernd í sveit­ar­fé­lag­inu á vegum Vinnu­mála­stofn­unar. Áætlunin sam­anstendur af 16 aðgerðum sem fela meðal ann­ars í sér margs konar tóm­stunda­úr­ræði fyrir fólk á öllum aldri og opnun virkni­m­ið­stöðvar undir heit­inu Klúbb­ur­inn. Mið­stöðin verður í hús­næði sem áður hýsti Officera-klúbb­inn á Ásbrú og þar verður boðið upp á nám­skeið, smiðjur og fjöl­breytta dag­skrá. Samhliða mun Vinnu­mála­stofnun leit­ast við að draga eins og kostur er úr dvöl umsækj­enda um alþjóð­lega vernd í Reykja­nesbæ.

Þann 9. jan­úar sl. und­ir­rit­uðu félags- og vinnu­mark­aðs­ráðu­neytið, Vinnu­mála­stofnun og Reykja­nes­bær vilja­yf­ir­lýs­ingu um að greindar yrðu þær áskor­anir sem Reykja­nes­bær stæði frammi fyrir vegna fjölg­unar umsækj­enda um alþjóð­lega vernd sem dvelj­ast í sveit­ar­fé­lag­inu á vegum rík­is­ins. Ákveðið var að aðilar að yfir­lýs­ing­unni myndu vinna saman að lausnum og er aðgerða­á­ætl­unin afrakstur þeirrar vinnu.

Áætlunin er gerð vegna þeirra sér­stöku aðstæðna sem uppi eru í Reykja­nesbæ vegna mik­ils fjölda umsækj­enda um alþjóð­lega vernd sem þar dvelja í sam­an­burði við önnur sveit­ar­fé­lög. Meg­in­mark­miðið er ann­ars vegar að draga til lengri tíma litið úr fjölda umsækj­enda sem dvelja í bænum og hins vegar að auka virkni og vellíðan fólks á meðan það bíður eftir afgreiðslu umsóknar sinnar hjá Útlend­inga­stofnun. Áætlunin var unnin sam­eig­in­lega af Reykja­nesbæ og Vinnu­mála­stofnun.

Vel sótt tómstundanámskeið

Aðgerðir eru þegar hafnar sam­kvæmt áætl­un­inni og hafa börn umsækj­enda um alþjóð­lega vernd meðal ann­ars sótt tóm­stunda­nám­skeið nú í sumar sem Vinnu­mála­stofnun kom á fót á Ásbrú. Nám­skeiðin hafa mælst vel fyrir og þátt­taka verið afar góð en dag­lega hafa á bil­inu 60-70 börn tekið þátt.

Barna og ung­linga­ráð Körfuknatt­leiks­deildar Kefla­víkur hefur séð um yngri hóp­inn, börn 6-10 ára, og meðal ann­ars haft körfu­bolta á dag­skrá, föndur og margs konar leiki. Knatt­spyrnu­deild Kefla­víkur hefur séð um eldri krakk­ana, 11-16 ára, og meðal ann­ars farið með þeim í fót­bolta, blak og margs konar hreyf­ingu utandyra.

Önnur aðgerð í áætl­un­inni sem er þegar hafin snýr að sam­göngu­málum og er ætlað að mæta auknu álagi á almenn­ingsam­göngur frá Ásbrú og niður í miðbæ Reykja­nes­bæjar.

Friðheimar, sjálfboðaliðar og hugmyndasöfnun

Meðal aðgerða sem hefj­ast á næst­unni er að koma á fót þró­un­ar­skóla í Klúbbnum undir heit­inu Frið­heimar, auka þjón­ustu við flótta­fólk og umsækj­endur um alþjóð­lega vernd með aðkomu sjálf­boða­liða úr nær­sam­fé­lag­inu og ráð­ast í hug­mynda­söfnun meðal umsækj­enda um það hvað fólk vilji helst gera og hvernig virkni það mæli með.

Þá mun þjón­ustu- og mót­tökuteymi alþjóðateymis Reykja­nes­bæjar verða tvo morgna í viku á Ásbrú með upp­lýs­inga­gjöf um þá þjón­ustu sem bær­inn veitir og leið­beina fólki varð­andi nyt­sam­lega hluti.

Fækkun umsækjenda í Reykjanesbæ

Vinnu­mála­stofnun tók síð­ast­liðið sumar við því hlut­verki sem Útlend­inga­stofnun hafði áður varð­andi þjón­ustu við umsækj­endur um alþjóð­lega vernd. Útlend­inga­stofnun ber eftir sem áður ábyrgð á afgreiðslu umsókna og máls­með­ferð þeirra.

Líkt og áður segir mun Vinnu­mála­stofnun draga úr fjölda þeirra  umsækj­enda um alþjóð­lega vernd sem dvelur í Reykja­nesbæ líkt og kostur er. Myndist svig­rúm í búsetu­úr­ræðum stofn­un­ar­innar eða hjá sveit­ar­fé­lögum sem stofn­unin er með samn­inga við verður leit­ast við að fækka þeim umsækj­endum sem dvelja í Reykja­nesbæ.

Stofn­unin vinnur nú með Reykja­vík­ur­borg að því að finna hent­uga stað­setn­ingu fyrir ein­inga­hús fyrir umsækj­endur um alþjóð­lega vernd. Um leið er unnið mark­visst að því að fjölga sveit­ar­fé­lögum sem hýsa umsækj­end­urna. Nýleg sveit­ar­fé­lög sem bæst hafa í hóp­inn sem slík mót­töku­sveit­ar­fé­lög eru Blá­skóga­byggð, Grinda­vík, Kópa­vogur og Vest­manna­eyjar. Samhliða leitar Fram­kvæmda­sýslan/Rík­is­eignir að hús­næði vítt og breitt um landið.

Áfram verður áhersla lögð á að Vinnu­mála­stofnun tengi flótta­fólk við önnur sveit­ar­fé­lög sem samið hefur verið við um sam­ræmda mót­töku flótta­fólks.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Eftir að hafa greinst með heilaæxli fyrir fjórum árum lýsir Karl Ágúst þakklæti fyrir að verk hans séu nú aftur á sviði.
Heimur

Lögregla fjar­lægði mót­mæl­anda eftir að hafa rugl­ast á áletrun á bol hans

Fólk

Af hverju getur lyktin af mak­anum verið svona ómót­stæði­leg?

Innlent

Lög­reglan kölluð til eftir að hitn­aði í kol­unum við tölvu­leikja­spil

Heimur

Maður stung­inn í Las Palmas

Innlent

Tölvu­þrjót­arnir sem réð­ust á 1984 skemmdu sjö vef­síður tengdar Palest­ínu

Starfsmenn urðu fljótt varir við árásina og gripu inn í áður en árásarmennirnir gátu valdið frekara tjóni, að sögn framkvæmdastjóra fyrirtækisins.

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Dæmdur í níu ára fang­elsi fyrir kóka­ínsmygl með Norrænu

Talninga-Tómas verður Dómara-Tómas

Innkalla leik­fang úr Tiger vegna köfn­un­ar­hættu