Í gær voru liðin 23 ár frá hinu hryllilega slysi á tónleikum grugghljómsveitarinnar Pearl Jam á Hróarskeldu þar sem níu manns krömdust til bana fyrir framan sviðið. Birta Björnsdóttir, fréttakona Ríkisútvarpsins var ein af fjölmörgum Íslendingum sem var á tónleikunum.
Birta minnist hins sorglega atburðar í Twitter-færslu en hún var á tónleikunum ásamt systur sinni. Með textanum birti hún stutt minningarmyndskeið sem Pearl Jam setti á netið í gær.
„Þessir tónleikar gleymast aldrei Þegar Eddie Vedder brotnaði saman á sviðinu áttaði maður sig fyrst á alvarleika málsins. Það var eins og teppi sorgar, doða og óvissu legðist yfir hátíðasvæðið meðan við systur leituðum að tíkallasíma til að hringja heim og láta vita af okkur.“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir