Egill Helgason minnist Ísaks Harðarsonar ljóðskálds og rithöfundar sem lést 12. maí eftir skammvinn veikindi, aðeins 67 ára að aldri. Segir hann Ísak hafa verið í hópi bestu ljóðskálda Íslands.
Á Facebook-vegg sínum birti Egill Helgason fjölmiðlamaður ljóð eftir Ísak og falleg minningarorð. Þau má lesa hér að neðan sem og ljóðið.
„Ísak Harðarson var í hópi bestu ljóðskálda okkar. Hann var góður maður, alltaf leitandi, og ég veit að honum leið oft illa. Hann var líka sagnahöfundur – ég er gríðarlega hrifinn af smásagnasafninu hans Hitanum á vaxmyndasafninu sem var hans síðasta útgefna verk. Ég tárast við tilhugsunina um að Ísak hafi kvatt okkur. Vonandi finnur hann einhvern af stöðunum sem hann yrkir um í ljóðum sínum þar sem er kyrrð og sátt og allt er tært. Hjörleifur Sveinbjörnsson birti þetta kvæði á síðu sinni núna áðan. Vertu kært kvaddur, elsku Ísak. Megi guðinn sem þú leitaðir blessa þig og verk þín.“

Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir