Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Innlent

Áttundi bekkur í ensku­tíma varð vitni að kyn­lífi starfs­manna

Sport

Hver er Theodór Elmar?

Pólitík

Hæddist að Snorra og Mið­flokknum í pontu

Innlent

Starfs­menn sagðir hafa stundað kyn­líf í skól­anum

Fólk

Stefán og Egill furða sig á kossa­hneyksl­inu í Haga­skóla

Innlent

Skóla­stjóri áréttar alvar­leika máls­ins eftir að myndir bár­ust

Innlent

Lög­reglan á Vest­ur­landi lýsir eftir 14 ára dreng

Heimur

Khloe Kar­dashian er demikyn­hneigð

Pólitík

Sagði frá kær­leik­anum sem hún finnur á Alþingi

Innlent

Myglu­eitur í hveiti

Segir erfitt að létta lund Assange – Markmiðið „leynt og ljóst að drepa Julian“

Kristinn Hrafns­son segir erfitt að stappa stál­inu í Julian Assange sem setið hefur í fjögur og hálft ár í harð­girtu fang­elsi í Bret­landi, fyrir það eitt að birta fréttir af stríðs­glæpum Banda­ríkja­hers.

Mannlíf ræddi við Kristinn Hrafns­son, rit­stjóra Wikileaks, um ástandið á Julian Assange, sam­starfs­fé­laga og vin Kristins en hann hefur mátt dúsa í fang­elsi í Bret­landi við slæma and­lega heilsu í á fimmta ár.

Kristinn byrj­aði á að útskýra stöð­una sem Julian er í.

„Julian hefur nú verið í nærri fjögur og hálft ár í mesta örygg­is­fang­elsi Bret­lands og beðið örlaga sinna. Að vera inni­lok­aður með þessa óvissu yfir höfði sér er gríð­ar­legt álag eins og fólk getur ímyndað sér. Ef hann er fram­seldur á hann yfir höfði sér alla hina röklausu hefnd­ar­reiði stór­veld­is­ins með ákæru­liði sem ekki er hægt að verj­ast með vísan til almanna­hags­muna þar sem ákveðið var að ákæra hann fyrir njósnir. Yfirvöld í Banda­ríkj­unum full­yrða að hann eigi enga vernd vísa á grund­velli fyrsta við­auka stjórn­ar­skár­innar þar sem hann er útlend­ingur. Hann verður dreg­inn fyrir dóm í Virginíu stein­snar frá höfðu­stöðvum CIA og ann­ara stjórn­ar­stofn­ana. Rétt­ur­inn er kall­aður njósn­a­dóm­stóll­inn þvi þangað fer dóms­mála­ráðu­neytið með öll ákæru­mál á grund­velliu brota á njósn­a­lög­gjöf­inni. Þeir vita að kvið­dómur makkar rétt enda hafa dómar fallið gegn sak­born­ingum í öllum til­fellum. Sak­fell­ing­ar­stuð­ull­inn er 100%.“

Aðspurður um líðan Assange í fang­els­inu segir Kristinn það ekki auð­velt að létta lund hans.

„Það er ekki hlaupið að því að létta lund Julians þegar ég heim­sæki hann í fang­elsið. Það bætir ekki að fara sjálfur í gegnum nið­ur­lægj­andi ferli við það eitt að kom­ast í heim­sókn­ar­sal­inn. Eftir að fara í gegnum gegn­um­lýs­ingu, ítar­lega lík­ams­leit af tveimur, þrjár tvö­fall­dar klefa­hurðir, fingrafarask­ann á tveimur stöðum og hunda­sniff hefur dofnað yfir fas­inu sem maður ætl­aði fang­anum til upp­lyft­ingar. Reynir samt. Það er þungt að horfa upp á mann dofna upp í þessum kring­um­stæðum. Reyna að stappa í hann stál­inu. Tala um stuðn­ing­inn sem hann hefur utan múrs­ins en vit­andi líka að hann er full­með­vit­aður um alla þá sem grjót­halda kjafti og segja ekki orð til að mót­mæla þess­ari sví­v­irðu,“ segir Kristinn og bætir við: „Þessi póli­tíska hefnd­ar­að­gerð hefur leynt og ljóst það mark­mið að drepa Julian – helst að brjóta hann svo niður að hann taki eigið líf.“

Kristinn heldur áfram: „Hvað getur maður gert? Í þessum heim­sóknum tek ég utan um Julian þegar ég kem og aftur þegar ég fer – fast. Annars erum við í skikki til að sitja and­spænis hvor öðrum. Þegar ég fer í röð­ina til að vera hleypt út situr hann eftir. Ég lyfti kreftum hnefa í kveðju­skyni. Með hverjum skelli stál­hurð­anna á útleið­inni blossar reiðin upp að nýju. Fyrir utan dreg ég djúpt and­ann, horfi upp í him­in­inn sem Julian hefur bara séð í litlum skömmtum í meira en ára­tug. Öskra á hel­vítis múr­inn. Hugsa um hræsnar­ana sem tala sig hása um ill­mesku þess að fang­lesa blaða­menn í Rúss­landi og í Kína en neita að tjá sig um þá sví­v­irðu að verð­laun­aður blaða­maður situr í dýflisu í London sem póli­tískur fangi.“

Lokaorð Kristins eru sterk.

„Fólk á að hugsa um Julian Assange í hvert skipti sem velgju­leg inn­an­tóm orð­ræða heyr­ist um þessi háleitu vest­rænu gildi sem eiga að gera okkur svo miklu, miklu betri.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Innlent

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Fjársterkir tölvuþrjótar taldir hafa ráðist á 1984
Innlent

Dæmdur í níu ára fang­elsi fyrir kóka­ínsmygl með Norrænu

Heimur

Nýtt lyf í töflu­formi vekur vonir í bar­átt­unni við briskrabba­mein

Innlent

Talninga-Tómas verður Dómara-Tómas

Fólk

Sáttasex leysir ekki ágrein­ing­inn

Innlent

Innkalla leik­fang úr Tiger vegna köfn­un­ar­hættu

Gæti skap stórhættu fyrir börn

Dæmdur fyrir að stela flíkum úr gámi við Zo-On í Kópavogi

Strauk henni um lærið þótt hún bæði hann að hætta

Styrkja Bjarka­hlíð um tæpar 40 millj­ónir

Hljóp á brott eftir inn­brot í bíl í aust­ur­bænum

Bens­ín­verð hækkar hér á landi á meðan heims­mark­aðs­verð lækkar