Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Innlent

Áttundi bekkur í ensku­tíma varð vitni að kyn­lífi starfs­manna

Sport

Hver er Theodór Elmar?

Pólitík

Hæddist að Snorra og Mið­flokknum í pontu

Innlent

Starfs­menn sagðir hafa stundað kyn­líf í skól­anum

Fólk

Stefán og Egill furða sig á kossa­hneyksl­inu í Haga­skóla

Innlent

Skóla­stjóri áréttar alvar­leika máls­ins eftir að myndir bár­ust

Innlent

Lög­reglan á Vest­ur­landi lýsir eftir 14 ára dreng

Heimur

Khloe Kar­dashian er demikyn­hneigð

Pólitík

Sagði frá kær­leik­anum sem hún finnur á Alþingi

Innlent

Myglu­eitur í hveiti

Árbæjarkirkja stækkuð: „Allt kapp lagt á að endurheimta huggulega nærsvæðið“

Þór Hauksson, sóknarprestur í Árbæjarkirkju, telur að tímabært sé að stækka kirkjuna
Þór Hauksson, sókn­ar­prestur í Árbæj­ar­kirkju, telur að tíma­bært sé að stækka kirkj­una

Nú stendur til að stækka Árbæj­ar­kirkju og er und­ir­bún­ingur haf­inn. Ein­hverjir íbúar hverfs­ins hafa lýst yfir áhyggjum að fal­legt nærum­hverfi muni eyði­leggj­ast.

„Kirkjan var teiknuð um 1970 þá með þeim for­sendum sem voru þá hvað varðar starf kirkj­unnar. Á þeim tíma voru prestar með skrif­stofu heima. Í dag eru allt aðrar for­sendur fyrir hendi eins og gefur að skilja 50 árum seinna,“ sagði Þór Hauksson, sókn­ar­prestur í Árbæj­ar­kirkju, við Mannlíf þegar hann spurður út í ástæður þess að stækka eigi kirkj­una.   

„Starfs­mönnum við kirkj­unar hefur fjölgað. Tveir prestar, djákni, starfs­menn í barna og ung­linga­starfi, org­anisti, starfs­menn í öldr­un­ar­starfi. Varlega má áætla að í fullu og hluta­starfi og sjál­boða­liðar, með­talin sókn­ar­nefnd, séu um 30 mánns starf­andi við kirkj­una. Starfs­að­staðan var boð­leg í árdaga kirkj­unnar en er sú sama 50 árum seinna.  Sókn­ar­prest­ur­inn er með starfs­að­stöðu í „eld­hús­inu“ sem fyr­ir­hugað var að yrði í á efri hæð kirkj­unnar. Prest­ur­inn er með skrif­stofu sem var notuð sem geymsla. Djákninn er með aðstöðu þar sem áður var fata­hengi. Org­anist­inn hefur enga aðstöðu fyrir nótur og annað sem til­heyrir starfi hans. Frá 1970 til dags­ins í dag hefur orðið mikil breyt­ing á starfi kirkj­unnar. Eitthvað er um að vera í kirkj­unni alla virka daga vik­unar og á tíðum um helgar með börnum, ung­mennum og öldruðum.“

Kirkjan er á tveimur hæðum og er neðri hæðin að mestu notuð sem safn­að­ar­salur. Einnig hafa prestur og djákni aðsetur þar og reyn­ast starfs­að­stæður þeirra erf­iðar þegar erf­is­drykkja er á virkum dögum. Þá er aðgengið milli hæða ein­göngu í hring­stiga sem gerir hreyfi­höml­uðum og öldruðum erfitt að kom­ast á milli. Aðstaðan þyki hrein­lega ekki boð­leg lengur og mun kirkjan vera stækkuð um 400fm.

„Stefnt er að því að ljúka sem fyrst fram­kvæmdum ytra og rask verði lág­markað eftir bestu getu. Um er að ræða for­steyptar veggein­ingar til að rask verði sem minnst á nærum­hverfi kirkj­unnar. Ein­ing­arnar verða settar upp og beinu fram­haldi af því verða „sárin“ lag­færð og trjám plantað fyrir þau sem felld hafa verið. Hvað innra rýmið varðar áætlum við að ljúka eftir því sem fjár­magn fæst en aðal­á­hersla er lögð á að nærum­hverfið kom­ist í lag sem fyrst eftir því sem aðstæður leyfa eins og veð­ur­far og annað. Skilj­an­lega hafa ein­hverjir áhyggjur af nær­svæði kirkj­unnar. Það verður allt kapp lagt á að end­ur­heimta huggu­lega nær­svæðið sem allra fyrst og bæta í frekar heldur,“ sagði Þór um hvenær stæði til að fram­kvæmdum yrði lokið og hvort að fólk þyrfti hafa áhyggjur af umhverfi kirkj­unnar.

Nýja rýmið muni þá bæta þjón­ustu kirkj­unar með stærri safn­að­ar­sal og aðgengi og starfs­að­stöðu kirkju­gesta og starfs­fólks. Þá verði sett upp lyfta og tröppur til að bæta aðgengi milli hæða.

„Varlega má áætla að yfir vet­ur­inn komi á virkum dögum og helgar vel á annað þús­und manns í kirkj­una. Þau sem sækja guðs­þjón­ustur, almennt safn­að­ar­starf, barna, ung­linga, for­eldramorgna, öldr­un­ar­starf, ýmis nám­skeið, frjáls félaga­sam­tök sem áður er nefnd, kórar og annað til­fallandi eins og útfarir, skírnir, hjóna­víglsur, mann­eskjur sem leita sálu­sorg­unar,“ sagði Þór um hvernig aðsókn í Árbæj­ar­kirkju væri. Árbærinn, sem er eitt fjöl­mennsta hverfi borg­ar­innar, er aðeins með eina kirkju en það þykir óvenju­legt miðað við þann fjölda sem býr í hverf­inu.

„Vissu­lega er aðsóknin árs­tíð­ar­bundin má nefna í des­em­ber­mán­uði einum sam­kvæmt tölum okkar eru hátt á fimmta þús­und manns sem sækja kirkj­una vegna ýmissa athafna hvort heldur kirkju­starf eða annað það sem boðið er uppá í kirkj­unni. Það er löngu ljóst að kirkjan hefur fyrir löngu síðan sprengt utan af sér alla þá starf­semi sem í boði er. Hug­myndin að stækkun hefur verið að gerj­ast í mörg mörg ár og löngu aðkallandi. Aðhald í rekstri kirkj­unnar er til fyr­ir­myndar eða eins og lagt var af stað í upp­hafi í byrjun átt­unda ára­tug­ar­ins að ekki var rekin nagli í spýtu  nema eiga fyrir nagl­anum og spýt­unni að ekki sé talað um þá fjöl­mörgu sem lögðu til hendur og fætur við upp­bygg­ingu kirkju­húss­ins.  Það var þá og enn í dag eru fjöl­margir sem hafa lagt við dag og nótt við und­ir­bún­ing stækk­unar fjöl­rýmis við kirkj­una.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Innlent

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Fjársterkir tölvuþrjótar taldir hafa ráðist á 1984
Innlent

Dæmdur í níu ára fang­elsi fyrir kóka­ínsmygl með Norrænu

Heimur

Nýtt lyf í töflu­formi vekur vonir í bar­átt­unni við briskrabba­mein

Innlent

Talninga-Tómas verður Dómara-Tómas

Fólk

Sáttasex leysir ekki ágrein­ing­inn

Innlent

Innkalla leik­fang úr Tiger vegna köfn­un­ar­hættu

Gæti skap stórhættu fyrir börn

Dæmdur fyrir að stela flíkum úr gámi við Zo-On í Kópavogi

Strauk henni um lærið þótt hún bæði hann að hætta

Styrkja Bjarka­hlíð um tæpar 40 millj­ónir

Hljóp á brott eftir inn­brot í bíl í aust­ur­bænum

Bens­ín­verð hækkar hér á landi á meðan heims­mark­aðs­verð lækkar