Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Innlent

Áttundi bekkur í ensku­tíma varð vitni að kyn­lífi starfs­manna

Sport

Hver er Theodór Elmar?

Pólitík

Hæddist að Snorra og Mið­flokknum í pontu

Innlent

Starfs­menn sagðir hafa stundað kyn­líf í skól­anum

Fólk

Stefán og Egill furða sig á kossa­hneyksl­inu í Haga­skóla

Innlent

Skóla­stjóri áréttar alvar­leika máls­ins eftir að myndir bár­ust

Innlent

Lög­reglan á Vest­ur­landi lýsir eftir 14 ára dreng

Heimur

Khloe Kar­dashian er demikyn­hneigð

Pólitík

Sagði frá kær­leik­anum sem hún finnur á Alþingi

Innlent

Myglu­eitur í hveiti

NÆRMYND: Albert Guðmundsson

Albert Guðmundsson
Albert Guð­munds­son

Hver er Albert Guð­munds­son?

Í gær var greint frá því að knatt­spyrnu­mað­ur­inn Albert Guð­munds­son, leik­maður Genoa og íslenska lands­liðs­ins, hafi verið kærður fyrir kyn­ferð­is­brot. En hver er Albert Guð­munds­son?

Albert Guð­munds­son fædd­ist í Reykja­vík 15. júní árið 1997 og er því 26 ára gam­all. For­eldrar Alberts eru Guð­mundur Bene­dikts­son og Krist­björg Inga­dóttir og eru þau bæði fyrr. lands­liðs­menn í knatt­spyrnu. Þá er afi Alberts, hann Ingi Björg Alberts­son, einn besti sókn­ar­maður sem hefur spilað á Íslandi. Langaafi Alberts er svo Albert Guð­munds­son en hann spil­aði meðal ann­ars fyrir stór­liðin Arsenal og AC Milan og varð síðar fjár­mála­ráð­herra Íslands.

Snemma í yngri flokkum var ljóst að Albert væri hæfi­leik­a­ríkur knatt­spyrnu­maður en hann spil­aði með KR þar til hann gekk til liðs við hol­lenska liðið Heerenveen aðeins 16 ára gam­all. Árið 2015 gekk hann svo til liðs við hol­lenska stór­liðið PSV. Albert varð fljótt einn af mik­il­væg­ustu leik­mönnum vara­liðs PSV en náði aldrei að festa sig í sessi í aðal­liði PSV. Það var þá á þeim tíma sem Albert spil­aði sinn fyrsta A-lands­leik en hann hafði spilað tæp­lega 40 lands­leiki með yngri lands­liðum Íslands. Árið 2018 skipti Albert svo í hol­lenska liðið AZ Alkmaar þar sem hann blómstr­aði og var snöggur að kom­ast í byrj­un­ar­liðið. 

En þó að Alberti hafi gengið vel með félags­liði sínu þá átti hann sína gagn­rýnendur. Ronald de Boer, fyrr­ver­andi lands­liðs­maður Hollands, gagn­rýndi hann harð­lega eftir að Albert mætti í við­tal eftir leik með dem­ants eyrna­lokka. „Ég veit ekki hvort þið tókuð eftir því en hann var búinn að setja á sig tvo dem­ants eyrna­lokka. Hann fór inn í bún­ings­klefa til að setja á sig eyrna­lokka án þess að fara í sturtu,“ sagði De Boer sem var einnig ósáttur að Albert, sem hann hafði þá búið í Hollandi i tæpan ára­tug, hafi talað ensku í við­tal­inu. „Hann talar ekki hol­lensku eftir sjö ár. Það segir sitt um hug­ar­farið í þessum strák. Ég hef það á til­finn­ing­unni að hann sé upp­tek­inn af öðrum hlutum. Ég fór sjálfur í við­tal á spænsku eftir fjóra mán­uði hjá Barcelona.“ 

Góður árangur Alberts með AZ og sýni­legir hæfi­leikar hans hafa þó ekki náð að skila sér í íslenska lands­liðið en flestir eru á því að Albert hafi aldrei náð að skína með því á sama hátt og hann hefur gert með félags­liðum. Albert komst svo heldur betur í frétt­irnar í fyrra þegar hann var ekki val­inn í lands­liðið af Arnari Þór Við­ars­syni, þáver­andi lands­liðs­þjálf­ara, og sagði þjálf­ar­inn á blaða­manna­fundi í sept­em­ber „Ég var mjög óánægður og svekktur með hug­ar­far Alberts.” Albert var aldrei val­inn aftur í lands­liðið meðan Arnar var lands­liðs­þjálf­ari en Albert hefur spilað 35 lands­leiki fyrir Ísland.

Í jan­úar 2022 var Albert svo keyptur til ítalska liðs­ins Genoa þar sem hann spilar ennþá í dag og hefur staðið sig það vel þar að hann vakti athygli stór­liðs­ins AC Milan, sem íhug­aði að kaupa hann í sumar. Genoa er sagt standa þétt við bakið á Alberti og rann­sókn máls­ins muni ekki hafa áhrif á spila­tíma hans með lið­inu. Reglur KSÍ eru hins vegar skýrar og mun Albert ekki vera val­inn í lands­liðið meðan rann­sókn máls­ins stendur yfir.

Albert er í sam­bandi með Guðlaugu Jóhanns­dóttur og eiga þau saman tvö börn.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Innlent

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Fjársterkir tölvuþrjótar taldir hafa ráðist á 1984
Innlent

Dæmdur í níu ára fang­elsi fyrir kóka­ínsmygl með Norrænu

Heimur

Nýtt lyf í töflu­formi vekur vonir í bar­átt­unni við briskrabba­mein

Innlent

Talninga-Tómas verður Dómara-Tómas

Fólk

Sáttasex leysir ekki ágrein­ing­inn

Innlent

Innkalla leik­fang úr Tiger vegna köfn­un­ar­hættu

Gæti skap stórhættu fyrir börn

Dæmdur fyrir að stela flíkum úr gámi við Zo-On í Kópavogi

Strauk henni um lærið þótt hún bæði hann að hætta

Styrkja Bjarka­hlíð um tæpar 40 millj­ónir

Hljóp á brott eftir inn­brot í bíl í aust­ur­bænum

Bens­ín­verð hækkar hér á landi á meðan heims­mark­aðs­verð lækkar