Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Innlent

Áttundi bekkur í ensku­tíma varð vitni að kyn­lífi starfs­manna

Sport

Hver er Theodór Elmar?

Pólitík

Hæddist að Snorra og Mið­flokknum í pontu

Innlent

Starfs­menn sagðir hafa stundað kyn­líf í skól­anum

Fólk

Stefán og Egill furða sig á kossa­hneyksl­inu í Haga­skóla

Innlent

Skóla­stjóri áréttar alvar­leika máls­ins eftir að myndir bár­ust

Innlent

Lög­reglan á Vest­ur­landi lýsir eftir 14 ára dreng

Heimur

Khloe Kar­dashian er demikyn­hneigð

Pólitík

Sagði frá kær­leik­anum sem hún finnur á Alþingi

Fólk

„Í dag eru tíu ár síðan ég varð fyrir nauðgun“

Jón Gnarr segir úrræðaleysi gagnvart börnum ólíðandi

„Kannski bjargar ein­hver and­lit­inu en börnin far­ast á meðan.“

Jón Gnarr, þingmaður utan flokka
Jón Gnarr, þing­maður utan flokka Jón Gnarr segir mála­flokk­inn ekki þola neina bið Mynd: Víkingur

Jón Gnarr gagn­rýnir harð­lega skort á við­eig­andi búsetu- og með­ferð­ar­úr­ræðum fyrir börn með fjöl­þættan vanda. Hann tjáir sig um málið í kjöl­far þáttar Kveiks á RÚV um búsetu­úr­ræði fyrir þennan hóp og segir þol­in­mæði sína gagn­vart aðgerða­leysi stjórn­valda vera á þrotum.

Jón Gnarr gagn­rýnir í færslu á Facebook hvernig börnum sem þurfa á sér­hæfðri með­ferð og þjón­ustu að halda sé neitað um þá þjón­ustu sem þau eiga rétt á.

Jón segir sig ítrekað hafa vakið athygli á stöð­unni og fundað með stjórn­endum, ráð­herrum, starfs­fólki, lög­reglu, for­eldrum og aðstand­endum. Hann hafi jafn­framt átt ótal fundi með umboðs­manni barna, sem hann segir taka undir sjón­ar­mið sín.

Þrátt fyrir til­raunir til sam­starfs, til­lögur að lausnum og þol­in­mæði sé lítið sem ekk­ert að þok­ast áfram.

„Ég hef verið ákveð­inn en lagt mig fram um að vera lipur og sam­vinnu­fús og sýnt æðru­leysi og þol­in­mæði. En hún er alveg að þrotum komin. Ég skil ekki þessa fyr­ir­stöðu og aðgerða­leysi,“ skrifar Jón.

Hann telur að virk úrræði myndu ekki aðeins skila betri árangri heldur einnig vera ódýr­ari en núver­andi fyr­ir­komu­lag. Hann gagn­rýnir að umræðan snú­ist um að upp­færa ferla, gera úttektir og meta hvað hafi farið úrskeiðis í stað þess að koma nauð­syn­legri þjón­ustu á fót.

Segir drengi hafa setið eftir

Jón segir skort á lang­tíma­úr­ræðum fyrir drengi vera eitt brýn­asta vanda­málið. Að hans mati hefur verið mis­munað eftir kyni, þar sem lang­tíma­úr­ræði hafi verið í boði fyrir stúlkur en sam­bæri­leg úrræði skorti fyrir drengi.

Hann bendir á hús­næði í Háholti í Skaga­firði sem hann segir sér­stak­lega hannað fyrir slíka starf­semi. Hann hafi reynt að vekja athygli á mögu­leik­anum á að nýta það en ekki fengið áhuga á hug­mynd­inni.

„Ég fékk þau svör að það væri „of langt í burtu“. Síðan hvenær færð­ist Skaga­fjörður svona langt í burtu?“ spyr Jón og bendir á að lang­tíma­vistun fyrir stúlkur sé meðal ann­ars í Bjargey í Eyja­firði.

Jón segir að áður hafi verið komið upp fjöl­breyttu kerfi úrræða en mörgum þeirra hafi verið lokað í kjöl­far efna­hags­hruns­ins vegna fjár­skorts. Ekki hafi tek­ist að end­ur­byggja kerfið síðan.

Rifjar upp andlát 17 ára drengs á Stuðlum

Jón rifjar einnig upp að tvö ár séu liðin frá því að 17 ára drengur lést í skelfi­legum elds­voða á Stuðlum, með­ferð­ar­heim­ili á vegum rík­is­ins. Hann segir dreng­inn hafa átt alla ævina fram undan og bendir á að hann hafi verið í umsjá yfir­valda þegar hann lést.

Að sögn Jóns sýni skýrslur um málið að alvar­legir brestir hafi orðið. Hann segir málið nú vera til rann­sóknar hjá hér­aðs­sak­sókn­ara sem mann­dráp af gáleysi og að 12 ein­stak­lingar hafi rétt­ar­stöðu sak­born­ings.

Jón leggur áherslu á að ekki sé um svo stóran hóp barna að ræða að ómögu­legt eigi að vera að tryggja þeim við­eig­andi þjón­ustu. Hann segir aðstæður barn­anna og fjöl­skyldna þeirra geta verið afar erf­iðar og að afleið­ing­arnar geti orðið hrika­legar fyrir heilu fjöl­skyld­urnar.

Hann gagn­rýnir einnig orða­lagið sem notað sé um börnin, svo sem „drengi“ og „börn með fjöl­þættan vanda eða stuðn­ings­þarfir“, og telur það geta gert vand­ann óljósan. Að hans mati sé hér ekki um að ræða ein­hvers konar „mjúkt mál“ heldur brýnt verk­efni sem snerti öryggi og fram­tíð barn­anna.

„Börnin farast á meðan“

Jón segir aðgerðir ekki geta beðið í fimm eða tíu ár. Hann gagn­rýnir að for­eldrar þurfi í sumum til­vikum að leita með börn sín til Afríku til að finna við­eig­andi hjálp.

„Meðferð getur ekki kall­ast með­ferð ef hún felur enga með­ferð í sér. Og það bætir ekk­ert að kalla úrræða­leysi úrræði,“ skrifar hann.

Að lokum varar Jón við því að yfir­völd láti tím­ann líða án þess að leysa vand­ann.

„Kannski bjargar ein­hver and­lit­inu en börnin far­ast á meðan. Og svo bíðum við þetta af okkur fram að næsta harm­leik.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Innlent

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Fjársterkir tölvuþrjótar taldir hafa ráðist á 1984
Innlent

Dæmdur í níu ára fang­elsi fyrir kóka­ínsmygl með Norrænu

Heimur

Nýtt lyf í töflu­formi vekur vonir í bar­átt­unni við briskrabba­mein

Innlent

Talninga-Tómas verður Dómara-Tómas

Fólk

Sáttasex leysir ekki ágrein­ing­inn

Pólitík

Segir Ísland úti­loka einmitt þá inn­flytj­endur sem landið þarf á að halda

„Ég á betra skilið, allir innflytjendur eiga betra skilið og allir Íslendingar eiga betra skilið en þetta.“
  • Segir trygg­inga­fé­lögin „gambla“ með fé úr bóta­sjóðum

  • Sigríður vill kanna hvort Ísland geti tekið þátt í brott­far­ar­stöð í Rúanda

  • Ást­hildur Lóa vill beita skyldu­sparn­aði gegn verð­bólgu

  • „Það er eng­inn öruggur í sam­fé­lagi þar sem stjórn­málin leit­ast við að keppa í grimmd“

  • Þor­gerður svar­aði Sigmundi fullum hálsi eftir frammí­kall á Alþingi