Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Innlent

Áttundi bekkur í ensku­tíma varð vitni að kyn­lífi starfs­manna

Sport

Hver er Theodór Elmar?

Pólitík

Hæddist að Snorra og Mið­flokknum í pontu

Innlent

Starfs­menn sagðir hafa stundað kyn­líf í skól­anum

Fólk

Stefán og Egill furða sig á kossa­hneyksl­inu í Haga­skóla

Innlent

Skóla­stjóri áréttar alvar­leika máls­ins eftir að myndir bár­ust

Innlent

Lög­reglan á Vest­ur­landi lýsir eftir 14 ára dreng

Heimur

Khloe Kar­dashian er demikyn­hneigð

Pólitík

Sagði frá kær­leik­anum sem hún finnur á Alþingi

Innlent

Myglu­eitur í hveiti

Páll Vilhjálmsson heldur ásökunum áfram: „Sigríður Dögg játar skattsvik“

Sigríður Dögg Auðunsdóttir
Sigríður Dögg Auð­uns­dóttir

Páll Vil­hjálms­son segir Sigríði Dögg Auð­uns­dóttur hafa játað skatt­svik í færslu á Facebook sem hún skrif­aði í gær, sem svar við ásök­unum fram­halds­skóla­kenn­ar­ans. Fyr­ir­sögn blogg­færsl­unnar er „Sigríður Dögg játar skatt­svik.“

Fram­halds­skóla­kenn­ar­inn og Mogga­blogg­ar­inn umdeildi, Páll Vil­hjálms­son, segir í blogg­færslu í dag að Sigríður Dögg Auð­uns­dóttir, for­maður Blaða­manna­fé­lags Íslands, hafi í færslu á Facebook, við­ur­kennt skatt­svik er hún skrif­aði: „Við hjónin fengum end­ur­á­lagn­ingu opin­berra gjalda vegna útleigu­tekna fyrir nokkrum árum og greiddum þá skatta.“

Páll segir Sigríði Dögg hafa leigt út hús­næði á Airbnb en ekki gefið leigu­tekj­urnar upp á skatt­fram­tali. „Það kall­ast að stela undan skatti.“ Bendir hann á að skatt­rann­sókn­ar­stjóri hafi fengið upp­lýs­ing­arnar frá höf­uð­stöðvum Airbnb á Írlandi eftir dóms­mál þar í landi. Segir hann að aðeins hafi feng­ist upp­lýs­ingar um stærstu upp­hæð­irnar sem skotið var undan skatti og vitnar í Bryndísi Krist­jáns­dóttur skatt­rann­sókn­ar­stjóra: „„Þannig að það eru ekki smæstu aðil­arnir sem eru þarna með,“ sagði Bryndís Krist­jáns­dóttir skatt­rann­sókna­stjóri er hún fékk upp­lýs­ing­arnar frá Írlandi.“

Mogga­blogg­ar­inn bendir einnig á að Sigríður Dögg hafi notað orðið „end­ur­á­lagn­ing“ um upp­gjörið við skatt­inn í svari sínu á Facebook í gær­kvöldi. „En það er sjálfur vinnu­veit­andi Sigríðar Daggar, RÚV, sem kallar verkn­að­inn skatt­svik. Fyr­ir­sögn RÚV á frétt af konu sem, eins og Sigríður Dögg, taldi ekki fram Airbnb-leigu­tekjur er eft­ir­far­andi: Sektuð um 15 millj­ónir fyrir skatt­svik í Airbnb-útleigu“

Þá segir Páll enn­fremur að lík­indi Sigríðar Daggar og kon­unnar í frétt­inni hér að ofan, sé tölu­verð. „End­ur­á­lagn­ing og skatt­svik er ekki sami hlut­ur­inn. RÚV kallar það skatt­svik sem frétta­maður stofn­un­ar­innar er upp­vís að. Líkindi Sigríðar Daggar og kon­unnar í skattsvika­frétt RÚV eru tölu­verð. Báðar lentu þær í fjár­hagskröggum. Sigríður Dögg og maki hennar, Valdimar Birg­is­son, áttu mis­heppnuð útgáfu­æv­in­týri, gáfu út Krónik­una og Frétta­tím­ann. Eins og skattsvika­konan í frétt RÚV redd­aði Sigríður Dögg sér með ólög­mætri útleigu á Airbnb.“

Páll skýtur svo föstum skotum á Rík­is­út­varpið í næstu orðum sínum. „Ef það er stefna RÚV að gera skattsvik­urum hátt undir höfði og normalisera und­an­skot á opin­berum gjöldum þá heldur Sigríður Dögg stöðu sinni á Kast­ljósi og þýfgar mann og annan um vafa­samar athafnir ver­andi sjálf skattsvik­ari. Varla trú­verð­ugt fyr­ir­komu­lag, að ekki sé sagt sið­laust.“

Sigríður Dögg var í færslu sinni á Facebook að svara frétt Mbl.is um gróða Miðlar ehf en þar var sagt að Sigríður Dögg væri eig­andi fyr­ir­tæk­is­ins. Sagði hún það rangt, eig­in­maður hennar, Valdimar Birg­is­son væri eig­andi en hún stjórn­ar­for­maður. Morg­un­blaðið leið­rétti frétt­ina en bætti eft­ir­far­andi orðum við: „Frétt mbl.is byggði á því að fé­lagið hét, þar til í apríl á þessu ári, SDA Ráðgjöf ehf. og Sig­ríður Dögg skráð sem hlut­hafi þess.“

Á þetta bendir Páll í blogg­færslu sinni og bætir við: „Verið getur að útleigan á íbúðum hafi verið á kenni­tölu SDA-ráð­gjafar ehf. eða á kenni­tölu Sigríðar Daggar sjálfrar. For­mað­ur­inn á eftir að upp­lýsa máls­at­vik.“

Páll stað­hæfir einnig að Sigríður Dögg hafi fengið sér­með­ferð hjá skatt­rann­sókn­ar­stjóra, þvert á það sem hún segir í færslu sinni í gær. „Skatt­svik Sigríðar Daggar hafi numið hærri fjár­hæð en svo að rétt­lætti sátt með sekt. Aðrir í sömu sporum og Sigríður Dögg, en sviku undan lægri fjár­hæð, sættu opin­berri ákæru.“ Segir hann aukreitis hafa heim­ildir fyrir því að fyr­ir­spurn verði lögð fyrir haust­þingið, um Airbnb-skatt­svikin. „Þá verður einnig spurt um máls­með­ferð; við hvaða fjár­hæð var miðað við er ákveðið var hverjir sættu ákæru og hverjir fengu til­boð um sátt og sekt­ar­greiðslu. Þeir sem sættu ákæru gátu ekki falið nafn og kenni­tölu. Sigríður Dögg fékk nafn­leynd. Allt bendir til að for­maður Blaða­manna­fé­lags­ins og frétta­maður RÚV hafi notið fyr­ir­greiðslu skatt­rann­sókn­ar­stjóra sem aðrir í sömu stöðu nutu ekki.“

Að lokum giskar Páll á að Sigríður Dögg muni fljótt leita sér að nýrri vinnu. „Til­fallandi gisk er að Sigríður Dögg leiti sér brátt að nýjum starfs­vett­vangi og Blaða­manna­fé­lag Íslands fái nýjan for­mann, – þó ekki Aðal­stein Kjart­ans­son vara­for­mann og sak­born­ing í byrl­unar- og síma­stulds­mál­inu. “

Séu ásak­anir Páls rangar er borð­liggj­andi fyrir Sigríði Dögg að kæra hann fyrir meið­yrði en hann hefur áður tapað meið­yrða­máli.

Líkt og Mannlíf sagði frá í gær hefur Sigríður Dögg ekki svarað spurn­ingum mið­ils­ins um meint skatta­laga­brot, þrátt fyrir ítrek­anir. Hér má sjá spurn­ing­arnar:

1. Kannast þú og /eða eig­in­maður þinn við að hafa leigt út íbúðir á air­bnb?
2. Voru tekjur af leig­unni ekki gefnar upp til skatts upp­haf­lega? Eru ásak­anir um slíkt rangar?
3. Er rétt að þú/þið hafið gert sátt við skatta­yf­ir­völd um að greiða skatt af inn­kom­unni og 25 pró­senta álag.
4. Er rétt að einka­hluta­fé­lag ykkar, Miðlun, hafi í fram­hald­inu tekið yfir þann rekstur sem snýr að útleig­unni.
5. Ef rétt er hermt með sátt­ina: Telur þú að í þessu felist brot af þinni hálfu sem þú þurfir að axla af ábyrgð? Ef svo. Hvernig munt þú bregð­ast við?
Hefur þú gert stjórn Blaða­manna­fé­lags­ins og yfir­stjórn Rík­is­út­varps­ins grein fyrir þessu máli?

Hér má sjá færslu Sigríðar Daggar:

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Innlent

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Fjársterkir tölvuþrjótar taldir hafa ráðist á 1984
Innlent

Dæmdur í níu ára fang­elsi fyrir kóka­ínsmygl með Norrænu

Heimur

Nýtt lyf í töflu­formi vekur vonir í bar­átt­unni við briskrabba­mein

Innlent

Talninga-Tómas verður Dómara-Tómas

Fólk

Sáttasex leysir ekki ágrein­ing­inn

Innlent

Innkalla leik­fang úr Tiger vegna köfn­un­ar­hættu

Gæti skap stórhættu fyrir börn

Dæmdur fyrir að stela flíkum úr gámi við Zo-On í Kópavogi

Strauk henni um lærið þótt hún bæði hann að hætta

Styrkja Bjarka­hlíð um tæpar 40 millj­ónir

Hljóp á brott eftir inn­brot í bíl í aust­ur­bænum

Bens­ín­verð hækkar hér á landi á meðan heims­mark­aðs­verð lækkar