Lögregla handtók karlmann í miðbæ Reykjavíkur í gærkvöldi þar sem hann var vopnaður hnífi. Maðurinn var handtekinn með aðstoð sérsveitar og fluttur á lögregustöð þar sem hann var vistaður í fangaklefa sökum ástands. Síðar um kvöldið var lögregla kölluð til vegna manns sem lét illa á bar. Maðurinn var ofurölvi og gekk hann leiðar sinnar þegar lögregla hafði afskipti af honum.
Íbúi í Breiðholti hafði samband við lögreglu eftir að hann var vitni að fólki í annarlegu ástandi fyrir utan frístundaheimili. Þegar lögregla kom á vettvang var fólkið á bak og burt. Skömmu síðar kastaði ógnandi maður stein í rúðu sem varð til þess að rúðan brotnaði. Hringt var á lögreglu en maðurinn hafði flúið af vettvangi áður en lögregla kom. Þá sinnti lögregla reglubundnu umferðareftirliti og stöðvaði fjóra ökumenn sem ýmist voru undir áhrifum vímuefna eða án ökuréttinda.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.































Athugasemdir