Nýting á fangageymslum lögreglunnar tók stökk frá fyrri nótt þegar þær stóðu tómar. Að þessu sinni gistu þrír hjá lögreglunni. Fíkniefnamál og brot ökumanna settu lit á gærkvöldið og nóttina.
Þegar lögreglumenn höfðu afskipti af manni sem grunaður var um sölu og dreifingu fíkniefna reyndi hann að flýja lögreglu á fæti. Flóttinn gekk ekki upp og hann var handsamaður skömmu síðar. Flóttamaðurinn reyndist vera með fíkniefni meðferðis ásamt talsverðu magni fjármuna. Fíkniefnasalinn var vistaður í fangaklefa í þágu rannsóknar málsins.
Lögregla kölluð til vegna þjófnaðar í verslun. Málið var leyst á vettvangi.
Fjórir ökumenn stöðvaðir í akstri grunaðir um akstur undir áhrifum ávana- og fíkniefna eða áfengis. Þeir voru allir látnir lausir eftir aðgerðir lögreglu en sumir þeirra voru einnig grunaðir um akstur án ökuréttinda og/eða vörslu fíkniefna og fleira.
Tilkynnt um brotna rúðu í bifreið. Málið er í rannsókn.
Þrír ökumenn voru sektaðir fyrir of hraðan akstur en sá sem ók hraðast var á 146 kílómetra hraða þar sem hámarkshraði er 80 kílómetrar á klukkustund.
Kópavogslögregla hafði afskipti af sex ökumönnum vegna umferðarlagabrota. Til dæmis voru ökumenn sektaðir fyrir of hraðan akstur, farsímanotkun og akstur gegn rauðu ljósi.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir