Lögregla var kölluð út í hverfi 105 í gærkvöldi vegna líkamsárásar. Gerandinn var handtekinn og vistaður í fangageymslu. Ekki kemur fram í dagbók lögreglu hvort þolandi hafi slasast alvarlega. Síðar um kvöldið hringdi hótelstarfsmaður í miðbæ Reykjavíkur í lögreglu. Þar hafði karlmaður gert sig líklegan til þess að stela tveimur farsímum en þegar starfsmaður hótelsins reyndi að stöðva hann brást hann illa við og réðist á starfsmanninn. Ekki kemur fram í dagbók lögreglu hvort starfsmaðurinn hafi slasast við átökin.
Í Kópavogi var óskaði eftir viðbúnaði lögreglu vegna íþróttakappleiks og skömmu síðar vegna líkamsárásar skammt frá. Ekki kom til átaka á íþróttaleiknum, sem fór að sögn lögreglu fallega fram. Þá voru tveir ökumenn stöðvaðir fyrir akstur án ökuréttinda en báðir hafa ítrekað verið teknir fyrir slík brot.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.































Athugasemdir