Andrés Ingi skýtur föstum skotum á Útlendingastofnun og dómsmálaráðherra

Andrés Ingi Jónsson, þing­maður utan flokka, hrósar umsjón­ar­manni sótt­varn­ar­húsa fyrir mann­eskju­legt við­mót í umræðu um stöðu hæl­is­leit­enda. Segir þing­mað­ur­inn að munur væri ef dóms­mála­ráð­herra og Útlend­inga­stofnun temdu sér sams­konar við­mót í garð þeirra sem sækja um alþjóð­lega vernd á Íslandi.

„Gylfi Þór Þor­steins­son, umsjón­ar­maður sótt­varn­ar­hús­anna, bregst við þessu með mann­eskju­lega við­mót­inu sem væri svo óskap­lega gott að sjá á hæl­is­mál­unum almennt,“ skrifar Andrés Ingi í færslu á Facebook og vísar þar í við­tal RÚV við Gylfa Þór vegna fyr­ir­hug­aðra áforma um að opna annað sótt­varna­hús. En eins og fram kom í við­tal­inu er sótt­varna­húsið við Rauð­ar­ár­stíg í Reykja­vík nán­ast yfir­fullt af fólki, mest­megnis hæl­is­leit­endum. Hefur það fylllst hraðar en upp­haf­lega var gert ráð fyrir eftir að landa­mærin voru opnuð, að stórum hluta vegna þess að hæl­is­leit­endur eru fleiri en reiknað var með.

Í umræddu við­tali sagði Gylfi Þór orð­rétt: „Þetta fólk er að koma hvaðanæva að úr heim­inum. Frá löndum sem eru annað hvort í stríði eða búa við mikla fátækt. Þetta fólk hefur upp­lifað mikla erf­ið­leika og er bara að leita að skjóli fyrir sig og sínar fjöl­skyldur.“

Finnst Andrés Ingi til­efni til að hrósa umsjón­ar­manni sótt­varna­hús­ana fyrir að taka svona til orða. „Væri ekki munur ef Útlend­inga­stofnun eða dóms­mála­ráð­herra töl­uðu almennt svona um fólkið sem sækir hér um alþjóð­lega vernd?“