Hótað lífláti og nauðgun vegna ummæla um Kópasker og Raufarhöfn

Leikkon­unni Þórdísi Björk Þor­finns­dóttur var hótað líf­láti og nauðg­unum vegna ummæla hennar um veð­ur­far á Kópa­skeri og Rauf­ar­höfn. Leik­konan ætlar að kæra hót­an­irnar til lög­reglu.

„Ég er ýmsu vön þegar kemur að gagn­rýni en þær hót­anir sem mér hafa borist vegna þessa máls eru við­bjóðs­legar. Það er eig­in­lega óhugn­an­leg­ast að sumar gróf­ustu hót­an­irnar voru frá ein­stak­lingum undir fullu nafni,“ segir Þórdís Björk Þor­finns­dóttir, leik­kona og með­limur í leik­hópnum Lottu, í sam­tali við Frétta­blaðið, um morð­hót­anir og hót­anir um að vera nauðgað vegna ummæla sem hún lét falla um veð­ur­farið á Kópa­skeri og Rauf­ar­höfn. Bárust henni á annan tug skila­boða frá nafn­greindu fólki og ætlar hún að kæra hót­an­irnar til lög­reglu.

Leik­hóp­ur­inn Lotta, sem hefur verið að ferð­ast um landið með barna­leik­rit um Bakka­bræður, var staddur á aust­an­verðu land­inu um helg­ina og kom við á Rauf­ar­höfn og Kópa­skeri. Þar lét Þórdís Björk eft­ir­far­andi orð falla á Instagram: „Jæja þá erum við búin að koma á helv.. Kópasker. Keyrðum á Kópasker og Rauf­ar­höfn bara til að geta krossað það út af list­anum, mæli alls ekki með að koma hingað, bara alls ekki gera það.“

Sjá einnig: Kolbrún segir ummæli Þórdísar lýsa hroka

Í sam­tali við Frétta­blaðið segir Þórdís, sem hafði líka fjallað með jákvæðum hætti um stað­ina tvo og þar á meðal hrósað mál­tíð á Rauf­ar­höfn og hrósað Heima­skauta­gerð­inu á staðnum, að um brand­ara hafi verið að ræða en hann hafi mislukk­ast. „Það sýnir sig kannski best að brand­ari hafi mislukk­ast þegar maður þarf að útskýra hann og sam­hengið. Ég hafði rætt við vini mína um að ég hlakk­aði til að skoða þessa bæi í fyrsta sinn, en svo tók ógeðs­legt veður á móti okkur. Hitinn rétt yfir frost­marki og hvín­andi rok og rign­ing.”

Skájskot af ummæl­unum fór í dreif­ingu á sam­fé­lags­miðlum og ollu fjaðrafoki á Facebook-síðu Lottu. Voru þau for­dæmd og auk þess bár­ust Þórdísi Björk fyrr­nefndar hót­anir um morð og nauðg­anir.

„Þessi tvö skjá­skot í engu sam­hengi litu mjög illa út. Að ein­hverju leyti er það ósann­gjarnt, þetta er eins og að taka langa máls­grein úr bók, en svo átt­aði ég mig á því að þetta virt­ist raun­veru­lega særa fólk og það þótti mér afar leitt,“ segir Þórdís, sem baðst afsök­unar á færsl­unni og Leik­hóp­ur­inn Lotta líka.

Í sam­tali við Frétta­blaðið segir Þórdís að fyrr­nefndar hót­anir megi ekki líð­ast og því muni hún kæra þær til lög­reglu.