Lögreglan rannsakar Aron fyrirliða – Reyndir landsliðsmenn íhuga að draga sig úr hópnum

Aron var ekki val­inn í leik­manna­hóp fyrir kom­andi lands­leiki en Mannlíf fjall­aði um málið í gær.
Aron Einar Gunn­ars­son hefur sagt í yfir­lýs­ingu til fjöl­miðla að hann vilji fá að gefa skýrslu um kvöldið fyrir ell­efu árum.

Kvöldið sem um ræðir varðar kæru sem lögð var fram vegna meints kyn­ferð­is­brots en var kæran dregin til baka. Brotið á að hafa átt sér stað í Kaup­manna­höfn árið 2010.
Þá hefur brota­þoli sem dró kæruna til baka óskað eftir því að málið yrði tekið upp að nýju og hefur það verið gert, en lög­reglan á höf­uð­borg­ar­svæð­inu rann­sakar nú málið.

Aron hefur skorað á þá sem hafa eitt­hvað um hann að segja eða út á hann að setja að nafn­greina sig og gefa honum þá kost á að verja sig.

„Ég hef engar til­kynn­ingar fengið um að ég hafi á ein­hverjum tíma­punkti verið undir grun og aldrei verið boð­aður í yfir­heyrslu,“sagði Aron Einar í yfir­lýs­ingu sinni og vís­aði á bug öllum ásök­unum um slíkt. Auk þess sagði hann að lög­reglan hafi aldrei haft sam­band við hann.

Morg­un­blaðið heldur því fram að nokkrir af reynd­ari leik­mönnum lands­liðs­ins séu að velta því fyrir sér að draga sig út úr lands­liðs­hópnum vegna máls­ins en nú þegar eru mikil for­föll í lið­inu vegna meiðsla leik­manna.