Bjössi í World Class um hnífaárásina: „Jón var látinn fara fyrir tveimur mánuðum“

„Jón var lát­inn fara fyrir tveimur mán­uðum,“ segir Björn Leifsson, gjarnan kenndur við World Class, í sam­tali við Mannlíf. Þar vísar hann til dyra­varð­ar­ins Jóns Péturs Vágseið, en hann var einn þeirra sem fór ásamt fylk­ingu 27 hettu­klæddra hnífa­manna inn á skemmti­stað­inn Banka­stræti Club aðfar­arnótt föstu­dags­ins síð­ast­lið­inn.

Sjá einnig: Jón var ásamt hnífa­hernum á Banka­stræti Club – Fjöl­skyldu­með­limir hafa flúið land vegna árása

Dóttir Björns, Birgitta Líf, er meðal eig­enda skemmti­stað­ar­ins en hún var í fríi í Indónesíu meðan þessi ósköp áttu sér stað og er þar enn. Því hefur hún átt erfitt með að bera hönd fyrir höfuð sér.

Björn segir í sam­tali við Mannlíf að Jón hafi ekk­ert komið nálægt rekstr­inum síð­ustu tvo mán­uði. Að hans sögn snú­ast deil­urnar ekk­ert um skemmti­stað­inn, utan þess að hafa verið vett­vangur glæps­ins.

Þó vika sé liðin frá árásinni, og með stíg­magn­andi hefn­ar­að­ferðir dag frá degi, þá er enn á huldu um hvað deil­urnar snú­ast. Það eina sem hægt er að full­yrða er að deil­urnar virð­ast vera á milli tveggja fylk­inga dyra­varða í mið­bænum.