Aldraðir aðgerðasinnar réðust á Magna Carta skjalið: „Er ríkisstjórnin hafin yfir lög?“

Tveir lofts­lags­að­gerð­ar­sinnar á níræð­is­aldri reyndu að brjóta gler sem ver Magna Carta laga­bálk­inn á British Library í Lundúnum, með hamri.

Séra Sue Parfitt, 82 ára, og Judy Bruce, 85 ára líf­fræði­kenn­ari á eft­ir­launum, gengu inn á bóka­safnið og reyndu að mölva gler­búrið sem verndar hið sögu­lega skjal með hamri og meitil.

Tvíeykið, sem er hluti af Just Stop Oil mót­mæla­hópnum, hélt síðan á skiltum sem á stóð „Rík­is­stjórnin er að brjóta lögin“.

Þær heyrð­ust einni spyrja „Er rík­is­stjórnin hafin yfir lög?“

Metra­politan-lög­reglan stað­festir að tvær mann­eskju hafi verið hand­teknar, grun­aðar um sak­næmt tjón og séu í varð­haldi.

British Library í Lundúnum geymir tvö af fjórum afritum sem til eru af Magna Crta en hin tvö er að finna í Lincoln and Salisbury dóm­kirkj­unum.

Laga­bálk­ur­inn var gef­inn út í júní árið 1215 en það var fyrsta skjalið þar sem sú regla var skrifuð á blað, að kon­ung­ur­inn og rík­is­stjórn hans, væri ekki hafin yfir lög.

Séra Parfitt sagði: „Magna Carta er rétti­lega virt, því það skiptis vo miklu máli fyrir sögu okkar, frelsi okkar og lög okkar.“

Í yfir­lýs­ingu frá bóka­safn­inu segir að örygg­is­verðir safns­ins hafi komið í veg fyrir frek­ari skemmdir á gler­inu, en þær sem gerðar voru á því, en skemmd­irnar voru minni­háttar.

Þessi nýj­ustu mót­mæli komu eftir að Hæsti­réttur Bret­lands úrskurð­aði að rík­is­stjórnin hafi brotið lög með því að sam­þykkja áætlun um að draga úr kolefn­islosun.

Orku­ör­ygg­is­ráðu­neytið og Net Zero hélt því fram að Bretland gæti verið „gíf­ur­lega stolt“ af árangri sínum við að stemma stigu við lofts­lags­breyt­ingar og að málið sner­ist að miklu leyti um ferli, án þess að gagn­rýna ítar­legar áætl­anir þess.

Sky News fjall­aði um málið.