Brynjar Níelsson, frambjóðandi Sjálfstæðisflokksins í Reykjavík og fyrrum dómari, leikur barn í nýju kosningamyndbandi sem flokkurinn hefur birt en þingmaðurinn fyrrverandi verður 66 ára gamall í haust.
Hann gerir það í kjölfar þess að borgarstjórn Reykjavíkur samþykkti að börn í leik- og grunnskólum landsins borði ekki unnar kjötvörur. Sumir í minnihluta borgarstjórnar eru ósáttir við þetta þrátt fyrir að unnar kjötvörur geti aukið líkur á ýmsum krabbameinum, samkvæmt Alþjóðaheilbrigðismálastofnun.
Í upphafi myndbandsins situr Brynjar fyrir framan matardisk sem er með unninni kjötvöru á.
„Kemur það borgarstjórninni við hvort ég fái að borða bjúgu eða ekki? Ég vil bara fá að borða minn mat, mín bjúgu, án þess að starfsmaður borgarinnar ætli að hafa einhverja skoðun á því. Verkefnastjóri næringar, hver bað um það?“ spyr Brynjar eins og hann sé barn sem ákvörðun borgarstjórnar hefur áhrif á.
Í kjölfar þess borðar Brynjar matinn á disknum og stynur af ánægju.
Athugasemdir