Ferðamálastofa hefur fellt niður ferðaskrifstofuleyfi félagsins Ferðadraumur ehf., þekktara sem Trans Atlantic ehf., frá og með 4. júní 2026. Félagið, sem er með starfsstöð að Síðumúla 29 í Reykjavík, uppfyllir samkvæmt ákvörðun stofnunarinnar ekki skilyrði laga um pakkaferðir og samtengda ferðatilhögun né reglugerðar um Ferðatryggingasjóð en greint er frá þessu í Lögbirtingablaðinu.
Starfsemi félagsins var tryggingaskyld vegna sölu pakkaferða og samtengdrar ferðatilhögunar. Við niðurfellingu leyfis tekur Ferðatryggingasjóður við þeim skyldum sem kveðið er á um í lögum, meðal annars endurgreiðslu til ferðamanna vegna ferða sem ekki verða framkvæmdar samkvæmt samningi og heimflutningi ferðamanna þegar við á.
Ferðamálastofa hefur jafnframt skorað á viðskiptavini félagsins sem telja sig eiga kröfu á hendur fyrirtækinu að senda inn skriflega kröfulýsingu í gegnum vefgátt á Island.is. Frestur til að leggja fram kröfur rennur út 5. ágúst 2026.
Kröfulýsingum skulu fylgja gögn sem staðfesta kröfuna, svo sem kvittanir og upplýsingar um bókaða ferð.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir