Jónmundur svaf upp í rúmi foreldra sinna til 15 ára aldurs

Leik­ar­inn Jón­mundur Grét­ars­son greinir frá því í við­tali við RÚV að hann hafi sofið í rúmi for­eldra sinna allt þar til hann var fimmtán ára gam­all. Hann segir að margir hafi komið af fjöllum þegar hann hafi sagt frá þessu enda sé slíkt óvenju­legt á þeim aldri.

„Ég var rosa­lega háður mömmu og pabba fyrir eitt­hvað öryggi. Maður veit ekki hvaðan það kemur, hvort það sé eitt­hvað í tengslum við að vera ætt­leiddur,“ sagði Jón­mundur í við­tal­inu.

Þrátt fyrir að hafa lengi talið að hann myndi ekki eign­ast börn er Jón­mundur í dag tveggja barna faðir. Hann segir að börnin hans hafi svip­aðar svefn­venjur og hann hafði sjálfur í æsku og kjósi að sofa hjá for­eldrum sínum.

For­eldr­arnir hafi ítrekað reynt að venja börnin á að sofa í eigin rúmum. Meðal ann­ars hafi þau keypt koju og komið henni fyrir í hjóna­her­berg­inu í þeirri von að gera breyt­ing­una spenn­andi fyrir börnin. Sú til­raun gekk þó aðeins í skamman tíma áður en börnin sneru aftur í rúm for­eldr­anna.

Að sögn Jón­mundar hefur fjöl­skyldan sætt sig við þetta fyr­ir­komu­lag að mestu leyti og sofi gjarnan öll saman. Hann segir að sér líði vel með það og að fjöl­skyldan njóti þeirrar nálægðar sem fylgir því að deila svefn­rými.