Samblástur Ingu Sæland og Guðbjargar Ingunnar Magnúsdóttur, aðstoðarkonu Guðmundar Inga Kristinssonar, hefur vakið athygli og jafnvel óhug. Smáskilaboð leiða í ljós að Guðbjörg hafði í hótunum við yfirmann sinn um að ef hann segði ekki af sér á sjúkrabeði biði hans stríð. Það skuggalega við málið er að Guðbjörg er þarna að plotta með eða í þágu eiginmanns síns, Ragnars Þórs Ingólfssonar, sem beið þess á hliðarlínunni að fá ráðherrastól þegar búið væri að koma hjartasjúklingnum úr embætti. Flestir þekkja þá grundvallarreglu að reka ekki fólk úr vinnu á sjúkrabeði.
Það vekur ekki síst athygli að hjónin eru horfin af yfirborði jarðar og svara ekki fjölmiðlum. Strigakjafturinn Vigdís Hauksdóttir, fyrrverandi þingmaður Framsóknarflokksins, kallar Ragnar raggeit á samfélagsmiðlum. Ragnar Þór situr í súpunni vegna þessa máls og einnig vegna þátttöku sinnar í að boða lög á verkfall flugvirkja. Verkalýðsformaðurinn fyrrverandi getur varla leyft sér slíka aðför að launþegum og rétti þeirra án þess að enda sem umskiptingur ...
Athugasemdir