Samkvæmt heimildum Mannlífs er ekkert hæft í afhæfingu Gústafs Níelssonar um að tveir erlendir menn hafi ógnað ungum kvenpresti í vikunni og stolið af henni bónuskortum.
Gústaf Níelsson, sagnfræðingur og bróðir Brynjars Níelssonar, frambjóðandi Sjálfstæðisflokksins í borgarstjórnarkosningunum sem framundan eru, birti færslu á Facebook í gær þar sem hann fullyrti að í vikunni hafi „tveir ungir menn frá Mið-Austurlöndum“ farið inn í Lágafellskirkju í Mosfellsbæ og ógnað ungum kvenpresti og rænt af henni bónuskortum. Segir hann kvenprestinn hafa „skiljanlega óttast um líf sitt í þeim aðstæðum sem sköpuðust.“ Sagðist hann hafa fyrir þessu „traustar heimildir“.
Eins og fram kemur hér fyrir ofan er, samkvæmt heimildum Mannlífs, ekkert hæft í fullyrðingum Gústafs. Mannlíf heyrði einnig í Hjördísi Sigurbjartsdóttur, aðstoðaryfirlögregluþjóni og stöðvarstjóri á lögreglustöð 4 á Vínlandsleið, sem sagðist ekki hafa fengið slíkt mál á sitt borð.
