Hildur Björnsdóttir, oddviti Sjálfstæðisflokksins, tekur við embætti borgarstjóra Reykjavíkur samkvæmt nýju meirihlutasamstarfi Sjálfstæðisflokks, Framsóknar og Viðreisnar sem kynnt var á fundi í Viðey í dag.

Samkvæmt samkomulaginu verður Einar Þorsteinsson, oddviti Framsóknar, formaður borgarráðs, en Björg Magnúsdóttir, oddviti Viðreisnar, tekur við sem forseti borgarstjórnar.

Jafnframt var greint frá því að breytingar verði gerðar á hlutverkaskipaninni 1. júní 2027. Þá mun Einar taka við embætti forseta borgarstjórnar og Björg verða formaður borgarráðs.