Leitinni að Sigríði Jóhannsdóttur, 56, ára, verður framhaldið um helgina samkvæmt lögregluni á höfuðborgarsvæðinu.
Hennar hefur verið saknað í eina viku, eða frá föstudeginum 13. júní, en síðast er vitað um ferðir Sigríðar á Digranesheiði í Kópavogi. Leitarsvæðið hefur verið stækkað að sögn lögreglu og munu leitarflokkar björgunarsveitanna leggja áherslu á Elliðaárdal/Elliðaár og austurhluta borgarinnar.
Lögreglan biður þau sem eru með öryggis- og eftirlitsmyndavélar á fyrrnefndu svæði og næsta nágrenni þess að kanna hvort sést hafi til ferða Sigríðar. Þá eru íbúar á svæðinu, þ.e. í aðliggjandi hverfum, beðnir um að skoða nærumhverfi sitt s.s. geymslur, stigaganga og garðskúra. Þau sem eru í forsvari fyrir auðu húsnæði á sama svæði eru beðin um að skoða slíka staði.
Þau sem geta gefið upplýsingar um ferðir Sigríðar eru beðin að hafa samband við lögregluna í síma 112 eða 444 1000 eða með tölvupósti á netfangið [email protected]
