Miðflokkurinn ætlar sér stóra hluti í komandi kosningum. Meðal þeirra sem leiða lista flokksins er sá umdeildi Skafti Harðarson sem leiðir á Seltjarnarnesi. Skafti starfaði um hríð í Húsasmiðjunni en er í seinni tíð þekktur sem talsmaður Samtaka skattgreiðenda sem eru nær því að vera tríó en fjöldahreyfing.
Skafti er liðhlaupi sem lengst af var talinn til innmúraðra stuðningsmanna Sjálfstæðisflokksins og í innsta hring Hannesar Hólmsteins Gissurarsonar þar sem Skafti kraup við hásæti meistara síns. Talið er að Hannes hafi velþóknun á vistaskiptum hans.
Ein helsta hrollvekja stóru framboðanna er sú að Skafti nái kjöri og komist í lykilstöðu. Rætt er um það í gamni og alvöru að þá verði að mynda risastóran meirihluta með Miðflokkinn einan í minnihluta ...
